RHAN 2ASESU, COFRESTRU A MONITRO TOMENNI NAS DEFNYDDIR

PENNOD 6DARPARIAETH ATODOL

31Dyletswydd i lunio a chadw cofrestr o’r holl domenni nas defnyddir

(1)

Rhaid i’r Awdurdod lunio a chadw cofrestr electronig o’r holl domenni nas defnyddir y cynhaliwyd asesiad o dan adran 13 (asesiadau rhagarweiniol o’r holl domenni nas defnyddir) mewn perthynas â hwy.

(2)

Rhaid i’r Awdurdod gynnwys tomen nas defnyddir yn y gofrestr cyn gynted ag y bo’n ymarferol ar ôl cwblhau’r asesiad y cyfeirir ato yn is-adran (1) mewn perthynas â’r domen.

(3)

Rhaid i gofnod yn y gofrestr ar gyfer tomen nas defnyddir gynnwys—

(a)

enw neu enwau cyffredin y domen (os oes un neu rai);

(b)

lleoliad y domen;

(c)

dynodydd unigryw y mae’r Awdurdod wedi ei roi i’r domen.

(4)

Rhaid i’r Awdurdod‍ gyhoeddi’r gofrestr.