Rhagolygol

RHAN 2 LL+C ASESU, COFRESTRU A MONITRO TOMENNI NAS DEFNYDDIR

PENNOD 2 LL+C ASESU TOMENNI NAS DEFNYDDIR

Asesiad rhagarweiniol LL+C

13 Asesiadau rhagarweiniol o’r holl domenni nas defnyddir LL+C

(1) Rhaid i’r Awdurdod—

(a) cynnal asesiad rhagarweiniol mewn perthynas â phob tomen nas defnyddir, a

(b) llunio‍ a chyhoeddi adroddiad ar bob asesiad.

(2) Caiff yr Awdurdod gyhoeddi adroddiad o dan is-adran (1)(b) ar ffurf olygedig os yw’r Awdurdod yn ystyried ei bod yn angenrheidiol gwneud hynny er mwyn osgoi datgelu gwybodaeth yn groes i unrhyw waharddiad a osodir gan ddeddfiad neu reol gyfreithiol arall.

(3) Rhaid i’r Awdurdod lunio rhaglen sy’n nodi sut y mae’n bwriadu cynnal yr asesiadau rhagarweiniol sy’n ofynnol gan yr adran hon, a’i amserlen arfaethedig ar gyfer hynny.

(4) Rhaid i’r Awdurdod anfon y rhaglen at Weinidogion Cymru i’w chymeradwyo cyn diwedd 12 mis sy’n dechrau â phan ddaw’r adran hon i rym.

(5) Caiff Gweinidogion Cymru gymeradwyo’r rhaglen ag addasiadau neu hebddynt.

(6) Rhaid i’r Awdurdod gyhoeddi’r rhaglen fel y’i cymeradwyir gan Weinidogion Cymru cyn gynted ag y bo’n ymarferol.

(7) Caiff yr Awdurdod ddiwygio’r rhaglen gyhoeddedig gyda chymeradwyaeth Gweinidogion Cymru.

(8) Os yw’r Awdurdod yn diwygio’r rhaglen gyhoeddedig, rhaid iddo ei chyhoeddi ar ei ffurf ddiwygiedig cyn gynted ag y bo’n ymarferol ar ôl gwneud y diwygiad.

(9) Wrth gydymffurfio ag is-adran (1), rhaid i’r Awdurdod roi sylw i’r rhaglen ddiweddaraf a gyhoeddwyd ganddo o dan yr adran hon.

Gwybodaeth Cychwyn

I1 A. 13 ddim mewn grym ar y Cydsyniad Brenhinol, gweler a. 92(3)