RHAN 1 LL+C GOFAL CYMDEITHASOL

PENNOD 1 LL+C DARPARU GWASANAETHAU GOFAL CYMDEITHASOL I BLANT: CYFYNGIADAU AR ELW

Rhagolygol

Rheoleiddio gwasanaethau gofal cymdeithasol a ddarperir i blant LL+C

2 Gwasanaethau plant o dan gyfyngiad LL+C

Yn Neddf 2016—

(a) yn adran 1, ar ôl paragraff (b) mewnosoder—

“(ba) mae Pennod 2 hefyd yn gwneud darpariaeth sy’n cyfyngu ar yr endidau a gaiff ddarparu gwasanaethau cartrefi‍ plant, gwasanaethau llety diogel a gwasanaethau maethu;”;

(b) ar ôl adran 2 mewnosoder—

“2A Ystyr “gwasanaeth plant o dan gyfyngiad

(1) At ddibenion y Rhan hon, mae’r gwasanaethau rheoleiddiedig a ganlyn yn “gwasanaeth plant o dan gyfyngiad”—

(a) gwasanaeth cartref gofal‍ i’r graddau y mae’r gwasanaeth yn wasanaeth cartref plant;

(b) gwasanaeth maethu;

(c) gwasanaeth llety diogel.‍

(2) At ddibenion is-adran (1), mae “gwasanaeth cartref plant” yn wasanaeth cartref gofal a ddarperir mewn un neu ragor o fannau y mae’r gwasanaeth yn cael ei ddarparu’n gyfan gwbl neu’n bennaf i blant ynddo neu ynddynt.‍

(3) Mae Atodlen 1 yn gwneud darpariaeth bellach ynghylch ystyr gwasanaeth plant o dan gyfyngiad.”;

(c) yn Atodlen 1, ar ôl paragraff 1(3) mewnosoder—

“(3A) Ond nid yw ysgol sy’n gyfystyr â gwasanaeth cartref gofal yn rhinwedd‍ is-baragraff (3) yn gyfystyr â gwasanaeth‍ cartref plant oni bai—

(a) ei bod wedi darparu mwy o ddiwrnodau o lety i blant sy’n derbyn gofal nag i rai nad ydynt yn blant sy’n derbyn gofal am unrhyw gyfnod o 12 mis sy’n dod o fewn y 24 mis blaenorol, neu

(b) ei bod yn bwriadu darparu mwy o ddiwrnodau o lety i blant sy’n derbyn gofal nag i rai nad ydynt yn blant sy’n derbyn gofal am unrhyw gyfnod o 12 mis sy’n dod o fewn y 24 mis dilynol.

(3B) Yn is-baragraff (3A),‍ ystyr “plant sy’n derbyn gofal yw plant sy’n derbyn gofal gan awdurdodau lleol fel y’u disgrifir yn adran 74(1) o Ddeddf 2014.”

Gwybodaeth Cychwyn

I1 A. 2 ddim mewn grym ar y Cydsyniad Brenhinol, gweler a. 29(2)