RHAN 1GWEINYDDU A CHOFRESTRU ETHOLIADOL
PENNOD 3PEILOTA A DIWYGIO ETHOLIADAU CYMREIG
Cynigion ar gyfer peilotau
9Cynigion ar gyfer peilotau a wneir gan brif gynghorau
(1)
Caiff prif gyngor gynnig i Weinidogion Cymru fod rheoliadau peilot yn cael eu gwneud mewn perthynas ag unrhyw fater etholiadol perthnasol i’r graddau y mae’n ymwneud ag etholiadau llywodraeth leol.
(2)
Cyn gwneud cynnig o dan is-adran (1), rhaid i’r prif gyngor ymgynghori â Gweinidogion Cymru.
(3)
Ar ôl ymgynghori yn unol ag is-adran (2) a chyn gwneud cynnig o dan is-adran (1), rhaid i’r prif gyngor—
(a)
cyflwyno’r cynnig i Gomisiwn Democratiaeth a Ffiniau Cymru ar gyfer y peilot y darperir ar ei gyfer mewn rheoliadau, a
(b)
rhoi sylw i adroddiad y Comisiwn ar y cynnig o dan adran 14.
(4)
Os yw prif gyngor yn gwneud cynnig o dan is-adran (1), rhaid iddo anfon copi o adroddiad Comisiwn Democratiaeth a Ffiniau Cymru ar y cynigion o dan adran 14 at Weinidogion Cymru.