RHAN 1LL+CGWEINYDDU A CHOFRESTRU ETHOLIADOL

Y personau a eithrir at ddibenion adran 28 yw—

(a)aelod o Lywodraeth Cymru;‍

(b)un o adrannau llywodraeth y Deyrnas Unedig;‍

(c)person a gyflogir yng ngwasanaeth sifil y wladwriaeth;

(d)aelod o Dŷ’r Cyffredin;

(e)aelod o Dŷ’r Arglwyddi;

(f)Aelod o’r Senedd;

(g)Comisiwn Senedd Cymru;

(h)aelod o staff y Senedd (o fewn yr ystyr a roddir i “member of the staff of the Senedd” gan Ddeddf Llywodraeth Cymru 2006 (p. 32));

(i)cyngor sir, bwrdeistref sirol neu gymuned yng Nghymru;

(j)cyd-bwyllgor corfforedig a sefydlir gan reoliadau a wneir o dan Ran 5 o Ddeddf Llywodraeth Leol ac Etholiadau (Cymru) 2021 (dsc 1);

(k)awdurdod Parc Cenedlaethol ar gyfer Parc Cenedlaethol yng Nghymru;

(l)awdurdod tân ac achub a gyfansoddir gan gynllun o dan adran 2 o Ddeddf y Gwasanaethau Tân ac Achub 2004 (p. 21), neu gynllun y mae adran 4 o’r Ddeddf honno yn gymwys iddo;

(m)comisiynydd heddlu a throseddu;

(n)cwmni y mae person a grybwyllir ym mharagraffau (a) i (m) (neu ddau neu ragor o’r personau hynny gyda’i gilydd)—

(i)yn berchen arno yn llwyr,

(ii)yn berchen ar fwyafrif syml o’r cyfranddaliadau ynddo, neu

(iii)yn berchen ar fwy o gyfranddaliadau ynddo nag unrhyw gyfranddaliwr arall;

(o)aelod o gorff a grybwyllir ym mharagraffau (i) i‍ (l);

(p)aelod o staff person a grybwyllir ym mharagraffau‍ (i) i (m);

(q)plaid wleidyddol gofrestredig.

Gwybodaeth Cychwyn

I1A. 29 ddim mewn grym ar y Cydsyniad Brenhinol, gweler a. 72(4)