(1)Mewn perthynas â phob offeryn sy’n cynnwys rheoliadau peilot, rhaid i Gomisiwn Democratiaeth a Ffiniau Cymru roi canllawiau ysgrifenedig i bersonau sy’n gyfrifol am roi’r rheoliadau ar waith.
(2)Rhaid i’r canllawiau gynnwys cyngor ynghylch—
(a)y trefniadau y mae eu hangen ar gyfer y peilot;
(b)yr hyfforddiant staff sy’n ofynnol ar gyfer y peilot;
(c)rhedeg y peilot yn unol â’r rheoliadau peilot.
(3)Caiff y canllawiau gynnwys gwybodaeth neu gyngor ar unrhyw fater arall y mae Comisiwn Democratiaeth a Ffiniau Cymru yn ystyried ei fod yn berthnasol i’r peilot.
(4)Caiff Gweinidogion Cymru drwy reoliadau bennu materion pellach y mae rhaid i Gomisiwn Democratiaeth a Ffiniau Cymru eu cynnwys yn y canllawiau.
(5)Mae’r pŵer i wneud rheoliadau yn is-adran (4) yn arferadwy drwy offeryn statudol.
(6)Mae offeryn statudol sy’n cynnwys rheoliadau o dan is-adran (4) yn ddarostyngedig i’w ddiddymu yn unol â phenderfyniad gan Senedd Cymru.
Gwybodaeth Cychwyn
I1A. 16 mewn grym ar 10.9.2024, gweler a. 72(1)(a)