RHAN 5PENDERFYNU AR GEISIADAU AM GYDSYNIAD SEILWAITH
Penderfynwr
55Swyddogaeth penderfynu ar geisiadau
(1)
Yr awdurdod archwilio sydd â’r swyddogaeth o benderfynu ar gais am gydsyniad seilwaith ar gyfer datblygiad o fath a bennir mewn rheoliadau.
(2)
Gweinidogion Cymru sydd â’r swyddogaeth o benderfynu ar unrhyw gais arall am gydsyniad seilwaith.
(3)
Mae is-adrannau (1) a (2) yn ddarostyngedig i unrhyw gyfarwyddyd a wneir o dan is-adran (4).
(4)
Mewn perthynas â chais am gydsyniad seilwaith, caiff Gweinidogion Cymru gyfarwyddo—
(a)
mai awdurdod archwilio sydd â’r swyddogaeth o benderfynu ar y cais yn lle Gweinidogion Cymru;
(b)
mai Gweinidogion Cymru sydd â’r swyddogaeth o benderfynu ar y cais yn lle awdurdod archwilio.