RHAN 3GWNEUD CAIS AM GYDSYNIAD SEILWAITH
Y weithdrefn gwneud cais
39Ymgynghoriad ar ôl cais mewn perthynas â chaffael gorfodol
(1)
Caiff rheoliadau wneud darpariaeth i geisydd am gydsyniad seilwaith ymgynghori ar gais am gydsyniad seilwaith sy’n cynnwys archiad i awdurdodi caffael yn orfodol dir neu fuddiant mewn tir neu hawl dros dir, ac mewn cysylltiad â hynny.
(2)
Caiff rheoliadau o dan is-adran (1) gynnwys (ymhlith pethau eraill) ddarpariaeth —
(a)
sy’n ei gwneud yn ofynnol ymgynghori â phersonau penodedig;
(b)
ynghylch yr amgylchiadau pan fo ymgynghoriad yn ofynnol;
(c)
ynghylch sut y cynhelir yr ymgynghoriad (gan gynnwys ffurf a chynnwys dogfennau, gwybodaeth a deunyddiau eraill sydd i’w darparu i berson at ddibenion yr ymgynghoriad neu mewn cysylltiad ag ef);
(d)
ynghylch yr amserlen mewn cysylltiad â chynnal yr ymgynghoriad.