RHAN 3 LL+C GWNEUD CAIS AM GYDSYNIAD SEILWAITH

Y weithdrefn gwneud cais LL+C

35 Rheoliadau ynghylch hysbysiadau a chyhoeddusrwydd LL+C

(1) Caiff rheoliadau—

(a) mewn perthynas â hysbysiad a roddir o dan adran 33 neu 34, neu sylwadau ar gais a roddir o dan adran 34, wneud darpariaeth ynghylch—

(i) ffurf a chynnwys yr hysbysiad neu’r sylwadau;

(ii) sut y rhoddir yr hysbysiad neu’r sylwadau;

(iii) yr amserlenni ar gyfer rhoi’r hysbysiad a’r sylwadau;

(b) gosod gofynion ar‍ berson neu berson o ddisgrifiad a bennir yn y rheoliadau i ymateb i hysbysiad o dan adran 34(2);

(c) gwneud darpariaeth ynghylch sut y gall person ymateb i gyhoeddusrwydd o dan adran 34 a’r amserlenni ar gyfer ymateb;

(d) gwneud darpariaeth ynghylch cyhoeddi sylwadau a geir mewn ymateb i hysbysiad a chyhoeddusrwydd o dan adran 34.

(2) Caiff rheoliadau o dan is-adran (1) roi swyddogaeth, gan gynnwys swyddogaeth sy’n ymwneud ag arfer disgresiwn, i unrhyw berson.

Gwybodaeth Cychwyn

I1 A. 35 mewn grym ar 4.6.2024 at ddibenion penodedig, gweler a. 147(1)(b)