RHAN 3 LL+C GWNEUD CAIS AM GYDSYNIAD SEILWAITH

Y weithdrefn cyn gwneud cais LL+C

Rhagolygol

31 Newid yn y person sy’n cynnig gwneud cais am gydsyniad seilwaith LL+C

(1) Nid yw’r dyletswyddau yn adran 29(1) a 30(1) yn gymwys i berson sy’n cynnig gwneud cais am gydsyniad seilwaith (“person A”)—

(a) os oes hysbysiad wedi ei roi o dan adran 29(1) gan berson arall (“person B”) mewn cysylltiad â’r un datblygiad arfaethedig neu’r un datblygiad arfaethedig i raddau helaeth, a

(b) os yw amod 1 neu amod 2 yn gymwys.

(2) Amod 1 yw bod yr hysbysiad a roddir gan berson B yn pennu y bydd y cais am gydsyniad seilwaith mewn cysylltiad â’r datblygiad arfaethedig yn cael ei wneud gan berson A.

(3) Amod 2 yw bod trefniadau i berson A i wneud y cais am gydsyniad seilwaith yn cael eu gwneud yn ystod neu o ganlyniad i ymgynghoriad ar y cais arfaethedig o dan adran 30 a gynhelir gan berson B.

Gwybodaeth Cychwyn

I1 A. 31 ddim mewn grym ar y Cydsyniad Brenhinol, gweler a. 147(2)