RHAN 2 LL+C GOFYNIAD AM GYDSYNIAD SEILWAITH

Pwerau i newid y gofyniad neu ei effaith LL+C

Rhagolygol

24 Cyfarwyddydau sy’n pennu nad yw datblygiad yn brosiect seilwaith arwyddocaol LL+C

(1) Caiff Gweinidogion Cymru roi cyfarwyddyd sy’n pennu nad yw datblygiad a fyddai’n brosiect seilwaith arwyddocaol fel arall yn brosiect seilwaith arwyddocaol.

(2) Nid yw datblygiad a bennir o dan yr adran hon i’w drin fel prosiect seilwaith arwyddocaol at ddibenion y Ddeddf hon.

(3) Ni chaiff Gweinidogion Cymru ond rhoi cyfarwyddyd o dan is-adran (1) os bydd y datblygiad (ar ôl ei gwblhau) yn rhannol yng Nghymru neu’n rhannol yn ardal forol Cymru.

(4) Cyn gynted ag y bo’n rhesymol ymarferol ar ôl rhoi cyfarwyddyd o dan is-adran (1), rhaid i Weinidogion Cymru—

(a) cyhoeddi’r cyfarwyddyd, a

(b) gosod datganiad ynghylch y cyfarwyddyd gerbron Senedd Cymru yn egluro ei effaith a pham y’i gwnaed.

Gwybodaeth Cychwyn

I1 A. 24 ddim mewn grym ar y Cydsyniad Brenhinol, gweler a. 147(2)