Deddf Seilwaith (Cymru) 2024 (dsc3)

RHAN 8 LL+C SWYDDOGAETHAU ATODOL

Cyfarwyddydau Gweinidogion Cymru LL+C

131 Pŵer i ddatgymhwyso gofynion LL+C

(1) Caiff rheoliadau ddarparu pŵer i Weinidogion Cymru gyfarwyddo nad yw gofynion a osodir gan y Ddeddf hon, odani neu yn ei rhinwedd yn gymwys mewn achos a bennir yn y cyfarwyddyd.

(2) Mewn perthynas â’r rheoliadau—

(a) rhaid iddynt bennu’r gofynion y caniateir eu datgymhwyso gan gyfarwyddyd;

(b) rhaid iddynt ei gwneud yn ofynno‍l i Weinidogion Cymru, cyn gynted ag y bo’n rhesymol ymarferol ar ôl gwneud cyfarwyddyd—

(i) cyhoeddi’r cyfarwyddyd, a

(ii) gosod datganiad ynghylch y cyfarwyddyd gerbron Senedd Cymru yn egluro ei effaith a pham y’i gwnaed;

(c) cânt awdurdodi cyfarwyddydau i fod yn gymwys mewn achos penodol neu i achosion yn gyffredinol.

Gwybodaeth Cychwyn

I1 A. 131 mewn grym ar 4.6.2024 at ddibenion penodedig, gweler a. 147(1)(b)