RHAN 8SWYDDOGAETHAU ATODOL

Ymgyngoreion statudol

129Pŵer i ymgynghori a dyletswydd i ymateb i ymgynghoriad

(1)

Caiff Gweinidogion Cymru neu awdurdod archwilio ymgynghori ag awdurdod cyhoeddus a bennir mewn rheoliadau ynghylch cais dilys am gydsyniad seilwaith.

(2)

Rhaid i’r awdurdod cyhoeddus yr ymgynghorir ag ef roi ymateb o sylwedd.

(3)

Rhaid rhoi’r ymateb hwnnw cyn diwedd—

(a)

cyfnod a bennir mewn rheoliadau, neu

(b)

os yw’r awdurdod a Gweinidogion Cymru neu’r awdurdod archwilio (yn ôl y digwydd) yn cytuno fel arall yn ysgrifenedig, pa gyfnod bynnag a bennir yn eu cytundeb.

(4)

Caiff rheoliadau wneud darpariaeth—

(a)

ynghylch gwybodaeth sydd i’w darparu gan Weinidogion Cymru neu awdurdod archwilio i awdurdod at ddibenion ymgynghoriad o dan is-adran (1);

(b)

ynghylch gofynion ymateb o sylwedd;

(c)

yn ei gwneud yn ofynnol i awdurdod yr ymgynghorir ag ef o dan is-adran (1) roi adroddiad i Weinidogion Cymru ynghylch cydymffurfedd yr awdurdod ag is-adran (2) (gan gynnwys darpariaeth ynghylch ffurf a chynnwys yr adroddiad, a phryd y mae i’w wneud).