RHAN 6CYFFREDINOL

51Ystyr “amaethyddiaeth” a chyfeiriadau perthnasol

(1)

Yn y Ddeddf hon, ystyr “amaethyddiaeth” yw—

(a)

garddwriaeth;

(b)

ffermio cnydau âr;

(c)

ffermio gwartheg godro;

(d)

cadw a bridio da byw;

(e)

defnyddio tir fel tir pori;

(f)

defnyddio tir fel coetir fferm neu ar gyfer amaeth-goedwigaeth;

(g)

amaethyddiaeth mewn amgylchedd a reolir;

(h)

tyfu fel arall blanhigion i’w gwerthu, neu ar gyfer gwerthu rhan o blanhigyn;

(i)

cynnal tir mewn cyflwr sy’n ei wneud yn addas ar gyfer gweithgaredd a restrir ym mharagraffau (a) i (h).

(2)

Yn is-adran (1)—

mae “da byw” yn cynnwys, ymysg pethau eraill, unrhyw anifail a gedwir i gynhyrchu bwyd, diod, olewau, ffibrau neu ledrau, neu i bori tir;

ystyr “amaethyddiaeth mewn amgylchedd a reolir” yw tyfu planhigion mewn ecosystem gaeedig sy’n caniatáu i amrywiolion amgylcheddol (gan gynnwys tymheredd, lleithder, golau a maethynnau) gael eu rheoli.

(3)

Mae cyfeiriadau yn y Ddeddf hon at farchnadoedd amaethyddol, busnesau amaethyddol, cynhyrchwyr amaethyddol a chynhyrchion amaethyddol i’w dehongli yn unol ag is-adran (1).