RHAN 3 LL+C MATERION SY’N YMWNEUD AG AMAETHYDDIAETH A CHYNHYRCHION AMAETHYDDOL

PENNOD 3 LL+C DOSBARTHIAD CARCASAU PENODOL ETC.

35 Dosbarthiad carcasau LL+C

(1) Caiff Gweinidogion Cymru, drwy reoliadau, wneud darpariaeth ynghylch dosbarthiad, dull adnabod a chyflwyniad carcasau buchol, moch a defaid gan ladd-dai yng Nghymru.

(2) Caiff rheoliadau o dan is-adran (1) gynnwys darpariaeth am orfodi, a gaiff gynnwys (ymysg pethau eraill) ddarpariaeth—

(a) ynghylch darparu gwybodaeth;

(b) sy’n rhoi pwerau mynediad;

(c) sy’n rhoi pwerau arolygu, chwilio ac ymafael;

(d) ynghylch cadw cofnodion;

(e) sy’n gosod cosbau ariannol;

(f) ar gyfer adennill symiau sy’n ddyledus mewn cysylltiad â chosbau ariannol, gan gynnwys darpariaeth ar gyfer llog, gosod symiau yn erbyn symiau eraill, a sicrwydd ar gyfer taliad;

(g) sy’n creu troseddau diannod y bydd modd eu cosbi drwy ddirwy (neu ddirwy nad yw’n uwch na swm a bennir yn y rheoliadau, ac na chaiff fod yn uwch na lefel 4 ar y raddfa safonol);

(h) ynghylch trwyddedau, achrediadau, awdurdodiadau a gofynion cofrestru;

(i) ynghylch apelau;

(j) sy’n rhoi swyddogaethau (gan gynnwys swyddogaethau sy’n cynnwys arfer disgresiwn) i berson.

(3) Ni chaiff rheoliadau o dan yr adran hon awdurdodi mynediad i annedd breifat heb warant a ddyroddir gan ynad heddwch.

(4)

Gwybodaeth Cychwyn

I1 A. 35 ddim mewn grym ar y Cydsyniad Brenhinol, gweler a. 56(4)

I2 A. 35 mewn grym ar 17.10.2023 gan O.S. 2023/1092, ergl. 2(d)