Deddf Amaethyddiaeth (Cymru) 2023

(a gyflwynir gan adran 34)

ATODLEN 1 CYNHYRCHION AMAETHYDDOL SY’N BERTHNASOL I DDARPARIAETHAU SAFONAU MARCHNATA

Llaeth a chynhyrchion llaeth

1 Cynhyrchion sy’n dod o fewn unrhyw un neu ragor o gofnodion (a) i (f) yn y tabl yn Rhan XVI o Atodiad 1 i’r Rheoliad CMO.

Brasterau taenadwy

2 Cynhyrchion—

(a) sy’n dod o fewn unrhyw un neu ragor o baragraffau (a) i (c) ym Mhwynt 1 o Ran VII o Atodiad VII i’r Rheoliad CMO, a

(b) sydd â chynnwys braster o 10% o leiaf ond heb fod yn fwy na 90% yn ôl pwysau.

Cig eidion a chig llo

3 Cynhyrchion sy’n dod o fewn y tabl yn Rhan XV o Atodiad 1 i’r Rheoliad CMO, ond gan eithrio unrhyw gofnod yn y tabl ar gyfer anifeiliaid byw.

Dofednod a chig dofednod

4 Cynhyrchion sy’n dod o fewn y tabl yn Rhan XX o Atodiad 1 i’r Rheoliad CMO, gan gynnwys unrhyw gofnod yn y tabl ar gyfer dofednod byw.

Wyau a chynhyrchion wyau

5 Cynhyrchion sy’n dod o fewn y tabl yn Rhan XIX o Atodiad 1 i’r Rheoliad CMO.

Ffrwythau a llysiau, ac eithrio olifau

6 Cynhyrchion sy’n dod o fewn y tabl yn unrhyw un neu ragor o Rannau IX i XI o Atodiad 1 i’r Rheoliad CMO.

Olew olewydd ac olifau bwyta

7 Cynhyrchion sy’n dod o fewn y tabl yn Rhan VII o Atodiad 1 i’r Rheoliad CMO.

Hopys

8 Cynhyrchion sy’n dod o fewn y tabl yn Rhan VI o Atodiad 1 i’r Rheoliad CMO.

Gwin

9 Cynhyrchion sy’n dod o fewn y tabl yn Rhan XII o Atodiad 1 i’r Rheoliad CMO.

Gwin a bersawrwyd

10 Cynhyrchion sy’n dod o fewn y diffiniad o “aromatised wine products” yn Erthygl 3 o’r Rheoliad Gwin a Bersawrwyd.

Dehongli

11 Yn yr Atodlen hon, ystyr “y Rheoliad Gwin a Bersawrwyd” yw Rheoliad (EU) Rhif 251/2014 Senedd Ewrop a’r Cyngor dyddiedig 26 Chwefror 2014 ar ddiffiniad, disgrifiad, cyflwyniad, labelu a gwarchod dynodiadau daearyddol cynhyrchion gwin a bersawrwyd.

(a gyflwynir gan adran 55)

ATODLEN 2 MÂN DDIWYGIADAU A DIWYGIADAU CANLYNIADOL ETC. SY’N YMWNEUD Â RHANNAU 1 I 3

RHAN 1 DIWYGIADAU, DIDDYMIADAU AC ARBEDION SY’N YMWNEUD Â DEDDF AMAETHYDDIAETH 2020

Deddf Amaethyddiaeth 2020 (p. 21)

1 (1) Mae Deddf Amaethyddiaeth 2020 wedi ei diwygio fel a ganlyn.

(2) Mae adran 46 (cyflwyno Atodlen 5) wedi ei diddymu.

(3) Mae adran 47 (hyd darpariaeth o ran Cymru) wedi ei diddymu.

(4) Yn adran 52 (diwygiadau canlyniadol), hepgorer paragraffau (b) a (d).

(5) Yn adran 53 (pŵer i wneud darpariaeth ganlyniadol etc.)—

(a) yn is-adran (2), hepgorer paragraffau (d), (e) ac (f);

(b) yn is-adran (5), ym mharagraff (a), yn lle “or (d) to (f)” rhodder “, or under that subsection so far as it would have allowed the Welsh Ministers to make supplementary, incidental or consequential provision in connection with—

(i) section 46 and Schedule 5,

(ii) section 47, and

(iii) section 52 and Schedule 7 so far as applying in relation to Wales,

but for the repeal of those provisions by the Agriculture (Wales) Act 2023”.

(6) Yn adran 54 (pŵer i wneud darpariaeth drosiannol etc.), yn is-adran (2)(a), hepgorer is-baragraffau (iv), (v) a (vi).

(7) Yn adran 56 (rhychwant), yn is-adran (1), hepgorer paragraff (g).

(8) Yn adran 57 (cychwyn), yn is-adran (3), hepgorer paragraffau (b) ac (c).

(9) Mae Atodlen 5 (darpariaeth sy’n ymwneud â Chymru) wedi ei diddymu.

(10) Yn Atodlen 7 (diwygiadau canlyniadol i’r Rheoliad CMO)—

(a) hepgorer Rhan 2;

(b) hepgorer Rhan 4.

2 Er gwaethaf diddymu Atodlen 5 i Ddeddf Amaethyddiaeth 2020 gan baragraff 1, mae rheoliadau a wnaed o dan baragraff 2 o’r Atodlen honno yn parhau mewn grym, ac maent yn cael effaith fel pe baent wedi eu gwneud o dan adran 16 o’r Ddeddf hon.

RHAN 2 DIWYGIADAU I DDEDDFAU ERAILL

Deddf yr Amgylchedd 1995 (p. 25)

3 Yn adran 66 o Ddeddf yr Amgylchedd 1995, yn is-adran (7A)—

(a) hepgorer yr “and” ar ôl paragraff (a);

(b) ar ddiwedd paragraff (b) mewnosoder “, and

“(c) the sustainable land management report published under section 6 of the Agriculture (Wales) Act 2023”.

Deddf Cefn Gwlad a Hawliau Tramwy 2000 (p. 37)

4 Yn adran 90 Ddeddf Cefn Gwlad a Hawliau Tramwy 2000, yn is-adran (1A)—

(a) hepgorer yr “and” ar ôl paragraff (a);

(b) ar ddiwedd paragraff (b) mewnosoder “, and

“(c) the sustainable land management report published under section 6 of the Agriculture (Wales) Act 2023”.

Deddf Cynllunio a Phrynu Gorfodol 2004 (p. 5)

5 Yn adran 60B o Ddeddf Cynllunio a Phrynu Gorfodol 2004, ar ôl is-adran (1) mewnosoder—

“(1A) In preparing the draft Framework under subsection (1)(a), the Welsh Ministers must have regard to the most recent sustainable land management report published under section 6 of the Agriculture (Wales) Act 2023.”

Deddf yr Amgylchedd (Cymru) 2016 (dccc 3)

6 Yn adran 6 o Ddeddf yr Amgylchedd (Cymru) 2016, yn is-adran (5), ar ôl paragraff (c) mewnosoder—

“(d) yr adroddiad rheoli tir yn gynaliadwy a gyhoeddir o dan adran 6 o Ddeddf Amaethyddiaeth (Cymru) 2023.”

(a gyflwynir gan adran 55)

ATODLEN 3 DIWYGIADAU CANLYNIADOL ETC. I’R RHEOLIAD CMO

RHAN 1 DIWYGIADAU SY’N YMWNEUD Â PHENNOD 3 O RAN 2 (YMYRRAETH MEWN MARCHNADOEDD)

Amodau eithriadol yn y farchnad

1 Os yw paragraff 2 o Atodlen 7 i Ddeddf Amaethyddiaeth 2020 (p. 21) mewn grym cyn y dygir y Rhan hon o’r Atodlen hon i rym, yn Rhan V o’r Rheoliad CMO (darpariaethau cyffredinol), ym mhob un o Erthyglau 219, 220, 221 a 222, ym mharagraff A2, a fewnosodir gan baragraff 2 o Atodlen 7 i Ddeddf Amaethyddiaeth 2020, hepgorer “Until the end of 2024”.

2 Os nad yw paragraff 2 o Atodlen 7 i Ddeddf Amaethyddiaeth 2020 mewn grym cyn y dygir y Rhan hon o’r Atodlen hon i rym, yn Rhan V o’r Rheoliad CMO (darpariaethau cyffredinol), ar ddechrau pob un o Erthyglau 219, 220, 221 a 222 (ond ar ôl y diwygiad a wneir gan baragraff 1 o Atodlen 7 i Ddeddf Amaethyddiaeth 2020) mewnosoder—

“A2 This Article does not apply in relation to agricultural producers in Wales.”

RHAN 2 DIWYGIADAU SY’N YMWNEUD AG ADRAN 34 (SAFONAU MARCHNATA)

Safonau marchnata

3‍ Mae’r Rheoliad CMO wedi ei ddiwygio fel a nodir ym mharagraffau 4 i 12.

4 Yn Erthygl 73 (safonau marchnata: cwmpas), yn lle “under paragraph 16(1) of Schedule 5 to the Agriculture Act 2020” rhodder “under section 34(1) of the Agriculture (Wales) Act 2023”.

5 Yn Erthygl 75 (safonau marchnata: sefydlu a’r cynnwys), ym mharagraff A2, yn lle “(see paragraph 16(1) of Schedule 5 to the Agriculture Act 2020)” rhodder “(see section 34(1) of the Agriculture (Wales) Act 2023”).

6 Yn Erthygl 78 (diffiniadau, dynodiadau a disgrifiadau gwerthu ar gyfer sectorau a chynhyrchion penodol), ym mharagraff 7, yn lle “(see paragraph 16(1) of Schedule 5 to the Agriculture Act 2020)” rhodder “(see section 34(1) of the Agriculture (Wales) Act 2023)”.

7 Yn Erthygl 80 (arferion gwinyddol a dulliau dadansoddi), ym mharagraff 7, yn lle “(see paragraph 16(1) of Schedule 5 to the Agriculture Act 2020)” rhodder “(see section 34(1) of the Agriculture (Wales) Act 2023)”.

8 Yn Erthygl 86 (neilltuo, diwygio a chanslo termau neilltuedig dewisol), yn lle “(see paragraph 16(1) of Schedule 5 to the Agriculture Act 2020)” rhodder “(see section 34(1) of the Agriculture (Wales) Act 2023)”.

9 Yn Erthygl 91 (pwerau gweithredu yn unol â’r weithdrefn archwilio), yn lle “(see paragraph 16(1) of Schedule 5 to the Agriculture Act 2020)” rhodder “(see section 34(1) of the Agriculture (Wales) Act 2023)”.

10 Yn Erthygl 119 (labelu a chyflwyniad yn y sector gwin: manylion gorfodol), ym mharagraff 3, yn lle “(see paragraph 16(1) of Schedule 5 to the Agriculture Act 2020)” rhodder “(see section 34(1) of the Agriculture (Wales) Act 2023)”.

11 Yn Erthygl 122 (labelu a chyflwyniad yn y sector gwin: pwerau dirprwyedig), ym mharagraff A2, yn lle “(see paragraph 16(1) of Schedule 5 to the Agriculture Act 2020)” rhodder “(see section 34(1) of the Agriculture (Wales) Act 2023)”.

12 Yn Erthygl 123 (pwerau gweithredu yn unol â’r weithdrefn archwilio), yn lle “(see paragraph 16(1) of Schedule 5 to the Agriculture Act 2020)” rhodder “(see section 34(1) of the Agriculture (Wales) Act 2023)”.‍

RHAN 3 DIWYGIADAU SY’N YMWNEUD AG ADRAN 35 (DOSBARTHIAD CARCASAU)

Dosbarthiad carcasau

13‍ Mae’r Rheoliad CMO wedi ei ddiwygio fel a nodir ym mharagraffau 14 i 16.

14 Yn Erthygl 19 (ymyrraeth gyhoeddus a chymorth ar gyfer storio preifat: pwerau dirprwyedig), ym mharagraff 6, yn lle “(see paragraph 18(1) of Schedule 5 to the Agriculture Act 2020)” rhodder “(see section 35(1) of the Agriculture (Wales) Act 2023)”.

15 Yn Erthygl 20 (ymyrraeth gyhoeddus a chymorth ar gyfer storio preifat: pwerau gweithredu yn unol â’r weithdrefn archwilio), yn y geiriau ar ôl pwynt (t), yn lle “(see paragraph 18(1) of Schedule 5 to the Agriculture Act 2020)” rhodder “(see section 35(1) of the Agriculture (Wales) Act 2023)”.

16 Yn Erthygl 21 (ymyrraeth gyhoeddus a chymorth ar gyfer storio preifat: pwerau gweithredu eraill), yn lle “(see paragraph 18(1) of Schedule 5 to the Agriculture Act 2020)” rhodder “(see section 35(1) of the Agriculture (Wales) Act 2023)”.‍

RHAN 4 DARPARIAETH ARBED

17 Mae rheoliadau a wnaed gan y Comisiwn Ewropeaidd o dan Adran 1 neu Adran 3 o Bennod 1 o Deitl 2 o’r Rheoliad CMO yn parhau i fod yn gymwys i gynhyrchion sy’n cael eu marchnata yng Nghymru, er gwaethaf y diwygiadau a wneir gan baragraffau 4 i 12‍.

18 Mae rheoliadau a wnaed gan y Comisiwn Ewropeaidd o dan—

(a) Erthygl 19(6) o’r Rheoliad CMO,

(b) unrhyw un neu ragor o bwyntiau (p) i (t) o Erthygl 20 o’r Rheoliad CMO, neu

(c) Erthygl 21 o’r Rheoliad CMO,

yn parhau i fod yn gymwys i ladd-dai yng Nghymru, er gwaethaf y diwygiadau a wneir gan baragraffau 14 i 16‍.