RHAN 2 LL+C HENEBION O DDIDDORDEB HANESYDDOL ARBENNIG

PENNOD 7 LL+C CYFFREDINOL

Atodol LL+C

72 Dilysrwydd penderfyniadau a gorchmynion penodol o dan y Rhan hon LL+C

(1) Ni chaniateir cwestiynu dilysrwydd penderfyniad neu orchymyn y mae’r adran hon yn gymwys iddo mewn unrhyw achos cyfreithiol ac eithrio cais am adolygiad statudol o dan adran 73.

(2) Y penderfyniadau y mae’r adran hon yn gymwys iddynt yw—

(a) penderfyniad gan Weinidogion Cymru ar gais am gydsyniad heneb gofrestredig, a

(b) penderfyniad ar adolygiad o dan adran 9.

(3) Mae’r adran hon yn gymwys i orchymyn o dan adran 20 sy’n addasu neu’n dirymu cydsyniad heneb gofrestredig.

(4) Nid yw’r adran hon yn atal unrhyw lys rhag arfer unrhyw awdurdodaeth mewn perthynas â gwrthodiad neu fethiant i wneud penderfyniad y mae’r adran hon yn gymwys iddo.

Gwybodaeth Cychwyn

I1 A. 72 ddim mewn grym ar y Cydsyniad Brenhinol, gweler a. 212(2)

I2 A. 72 mewn grym ar 4.11.2024 gan O.S. 2024/860, ergl. 3(a)