RHAN 2 LL+C HENEBION O DDIDDORDEB HANESYDDOL ARBENNIG

PENNOD 3 LL+C RHEOLAETHU GWAITH SY’N EFFEITHIO AR HENEBION COFRESTREDIG

Awdurdodi gwaith LL+C

13 Awdurdodi gwaith drwy gydsyniad heneb gofrestredig LL+C

(1) Mae gwaith y mae adran 11 yn gymwys iddo wedi ei awdurdodi—

(a) os yw cydsyniad ysgrifenedig i’w gyflawni wedi ei roi gan Weinidogion Cymru, a

(b) os yw’r gwaith yn cael ei gyflawni yn unol â thelerau’r cydsyniad (gan gynnwys unrhyw amodau sydd ynghlwm wrtho).

(2) Pan—

(a) bo gwaith y mae adran 11 yn gymwys iddo wedi ei gyflawni heb fod wedi ei awdurdodi o dan y Bennod hon, a

(b) bo Gweinidogion Cymru yn rhoi cydsyniad ysgrifenedig ar gyfer y gwaith,

mae’r gwaith wedi ei awdurdodi o adeg rhoi’r cydsyniad.

(3) Cyfeirir at gydsyniad o dan is-adran (1) neu (2) yn y Rhan hon fel cydsyniad heneb gofrestredig.

Gwybodaeth Cychwyn

I1 A. 13 ddim mewn grym ar y Cydsyniad Brenhinol, gweler a. 212(2)

I2 A. 13 mewn grym ar 4.11.2024 gan O.S. 2024/860, ergl. 3(a)