RHAN 2 LL+C COFRESTRU A RHEOLEIDDIO DARPARWYR ADDYSG DRYDYDDOL

PENNOD 2 LL+C SICRHAU ANSAWDD A GWELLA ANSAWDD

Asesu ansawdd mewn addysg uwch LL+C

56 Arfer swyddogaethau asesu addysg uwch gan gorff dynodedig LL+C

(1) Mae Atodlen 3 yn gwneud darpariaeth—

(a) ynghylch dynodi corff i arfer y swyddogaethau asesu;

(b) ynghylch goruchwylio’r corff dynodedig gan y Comisiwn;

(c) i’r corff godi ffioedd.

(2) At ddibenion y Bennod hon, “y swyddogaethau asesu” yw swyddogaethau’r Comisiwn o dan adran 54 (asesu ansawdd addysg uwch).

(3) Pan fo corff wedi ei ddynodi o dan Atodlen 3 i arfer y swyddogaethau asesu, nid yw’r swyddogaethau o dan adran 54 yn peidio â bod yn arferadwy gan y Comisiwn.

Gwybodaeth Cychwyn

I1 A. 56 ddim mewn grym ar y Cydsyniad Brenhinol, gweler a. 148(2)

I2 A. 56 mewn grym ar 5.4.2025 gan O.S. 2025/432, ergl. 2(u)