Deddf Addysg Drydyddol ac Ymchwil (Cymru) 2022 (dsc1)

Rhagolygol

RHAN 4 LL+C PRENTISIAETHAU

Rhagarweiniol LL+C

111 Ystyr “prentisiaeth Gymreig gymeradwy” LL+C

(1) Mae prentisiaeth Gymreig gymeradwy yn drefniant sy’n dod o fewn is-adrannau (2), (3) a (4).

(2) Mae’r trefniant—

(a) yn digwydd o dan gytundeb prentisiaeth Gymreig gymeradwy, neu

(b) yn brentisiaeth Gymreig amgen.

(3) Mae’r gwaith a wneir yn rhinwedd y trefniant yn digwydd yn gyfan gwbl neu’n bennaf yng Nghymru.

(4) Mae’r trefniant yn bodloni unrhyw amodau a bennir mewn rheoliadau a wneir gan Weinidogion Cymru.

(5) Mae’r adran hon yn gymwys at ddibenion y Rhan hon.

Gwybodaeth Cychwyn

I1 A. 111 ddim mewn grym ar y Cydsyniad Brenhinol, gweler a. 148(2)

112 Ystyr “cytundeb prentisiaeth Gymreig gymeradwy” LL+C

(1) Mae cytundeb prentisiaeth Gymreig gymeradwy yn gytundeb—

(a) sy’n darparu i berson (“y prentis”) weithio i berson arall am gydnabyddiaeth mewn galwedigaeth y mae fframwaith prentisiaeth a gyhoeddir o dan adran 117 mewn grym ar ei chyfer ar yr adeg y gwneir y cytundeb,

(b) sy’n darparu i’r prentis gael hyfforddiant er mwyn cynorthwyo’r prentis i fodloni’r gofynion a bennir yn y fframwaith prentisiaeth, ac

(c) sy’n bodloni unrhyw amodau eraill a bennir mewn rheoliadau a wneir gan Weinidogion Cymru.

(2) Mae’r adran hon yn gymwys at ddibenion y Rhan hon.

Gwybodaeth Cychwyn

I2 A. 112 ddim mewn grym ar y Cydsyniad Brenhinol, gweler a. 148(2)

113 Ystyr “prentisiaeth Gymreig amgen” LL+C

(1) Mae prentisiaeth Gymreig amgen yn drefniant, y mae person yn gweithio odano, sydd o fath a ddisgrifir mewn rheoliadau a wneir gan Weinidogion Cymru.

(2) Caiff rheoliadau o dan is-adran (1), er enghraifft, ddisgrifio trefniadau sy’n ymwneud ag achosion pan fo person—

(a) yn gweithio ac eithrio i berson arall;

(b) yn gweithio ac eithrio am gydnabyddiaeth.

(3) Mae’r adran hon yn gymwys at ddibenion y Rhan hon.

Gwybodaeth Cychwyn

I3 A. 113 ddim mewn grym ar y Cydsyniad Brenhinol, gweler a. 148(2)

114 Ystyr “fframwaith prentisiaeth” LL+C

(1) Mae fframwaith prentisiaeth yn ddogfen sy’n pennu gofynion ar gyfer cwblhau prentisiaethau Cymreig cymeradwy mewn galwedigaeth neu grŵp o alwedigaethau, a all gynnwys (ond nad ydynt yn gyfyngedig i) gofynion sy’n ymwneud—

(a) â safonau cyrhaeddiad;

(b) â chymwysterau;

(c) â’r math o hyfforddiant neu faint o hyfforddiant yr ymgymerir ag ef.

(2) Mae’r adran hon yn gymwys at ddibenion y Rhan hon.

Gwybodaeth Cychwyn

I4 A. 114 ddim mewn grym ar y Cydsyniad Brenhinol, gweler a. 148(2)