Deddf Rhentu Cartrefi (Diwygio) (Cymru) 2021 (dsc3)

Hysbysiad y landlord: y cyfnodau hysbysu byrraf a ganiateir LL+C

2 Cymal terfynu’r landlord o dan gontract safonol cyfnod penodol: y cyfnod hysbysu byrraf a ganiateir LL+C

(1) Mae Deddf 2016 wedi ei diwygio fel a ganlyn.

(2) Yn adran 195 (cymal terfynu’r landlord: y cyfnod hysbysu byrraf a ganiateir)—

(a) yn is-adran (1), yn lle “dau fis” rhodder “chwe mis”;

(b) yn lle is-adran (2) rhodder—

“(2) Mae’r adran hon yn ddarpariaeth sylfaenol sydd wedi ei hymgorffori fel un o delerau pob contract safonol cyfnod penodol, ac eithrio contractau safonol cyfnod penodol—

(a) nad ydynt yn cynnwys cymal terfynu’r landlord, neu

(b) sydd o fewn Atodlen 8A (pa un a ydynt yn cynnwys cymal terfynu’r landlord ai peidio).”

(3) Ar ôl adran 195 mewnosoder—

“195A Y cyfnod hysbysu byrraf a ganiateir: contractau safonol cyfnod penodol sydd o fewn Atodlen 8A

(1) Os yw contract safonol cyfnod penodol o fewn Atodlen 8A, ni chaiff y dyddiad a bennir mewn hysbysiad o dan gymal terfynu’r landlord fod yn llai na dau fis ar ôl y diwrnod y rhoddir yr hysbysiad i ddeiliad y contract.

(2) Mae’r adran hon yn ddarpariaeth sylfaenol sydd wedi ei hymgorffori fel un o delerau pob contract safonol cyfnod penodol sydd—

(a) yn cynnwys cymal terfynu’r landlord, a

(b) o fewn Atodlen 8A.”

Gwybodaeth Cychwyn

I1 A. 2 mewn grym ar 7.6.2021, gweler a. 19(3)