Feu-duty Act 1597

1597 c. 17

All fewis may be decernit null ffor nocht payment of the dewtie albeit na provisioun be maid thairanent in the infeftment

Modifications etc. (not altering text)

C1 Short title “The Feu-duty Act 1597” given by Statute Law Revision (Scotland) Act 1964 (c. 80), Sch. 2

C2 This act is listed in 12mo edition as 1597 c. 250

Oure Souerane Lord and estaitis of this present parliament haveand consideratioun of the great dampnage and skayth quhilk his maiestie and liegis of this realme sustenis throuch ewill and vntymous payment of the few dewteis of thair landis sett in fewferme Thairfoir statutis and ordanis that incais it salhappin intymcumming ony wassell or fewar haldand landis in fewferme of our souerane lord or of ony vther superiour Immediatlie in fewferme to failyie in making of payment of his few dewtie to our souerane lordis comptroller or vther haveand powar of him or to vther Immediat superiour or vtheris haveand powar of him be the space oftwa yearis haill and togidder that they sall amit and tyne thair said few of thair saidis landis conform to the ciuill and cannoun law Siclyk and in the samin maner as gif ane claus Irritant war speciallie ingrossit and insert in thair saidis infeftmentis of fewferme

Modifications etc. (not altering text)

C3 For the reference to two years there is substituted a reference to five years by Land Tenure Reform (Scotland) Act 1974 (c. 38, SIF 74:1), s. 15