Deddf Deddfwriaeth (Cymru) 2019 (dccc4)

RHAN 2 LL+C DEHONGLI A GWEITHREDU DEDDFWRIAETH CYMRU

Cymhwyso’r Rhan a’i heffaith LL+C

3 Deddfwriaeth y mae’r Rhan hon yn gymwys iddi LL+C

(1) Mae’r Rhan hon yn gymwys i—

(a) y Ddeddf hon;

(b) [F1 Deddfau Senedd Cymru] sy’n cael y Cydsyniad Brenhinol ar [F2 1 Ionawr 2020 neu ar ôl y diwrnod hwnnw];

(c) is-offerynnau Cymreig a wneir ar [F3 1 Ionawr 2020] neu ar ôl y diwrnod hwnnw.

(2) Ystyr “is-offeryn Cymreig” yw offeryn (pa un a yw’r offeryn hwnnw yn offeryn statudol ai peidio) nad yw ond yn cynnwys un neu ddau o’r canlynol—

(a) is-ddeddfwriaeth a wneir o dan [F4 Ddeddf gan Senedd Cymru] neu Fesur Cynulliad, pa un ai gan Weinidogion Cymru neu gan unrhyw berson arall;

(b) is-ddeddfwriaeth—

(i) a wneir o dan Ddeddf gan Senedd y Deyrnas Unedig neu ddeddfwriaeth uniongyrchol [F5 a gymathwyd],

(ii) nas gwneir ond gan Weinidogion Cymru neu unrhyw awdurdod Cymreig datganoledig arall (o fewn yr ystyr a roddir i “devolved Welsh authority” gan adran 157A o Ddeddf Llywodraeth Cymru 2006 (p. 32)), a

(iii) nad yw ond yn gymwys o ran Cymru.

(3) Mae cyfeiriadau yng ngweddill y Rhan hon at [F4 Ddeddf gan Senedd Cymru] neu is-offeryn Cymreig (oni ddarperir fel arall) yn gyfeiriadau at [F4 Ddeddf gan Senedd Cymru] neu is-offeryn Cymreig y mae’r Rhan hon yn gymwys iddi neu iddo yn rhinwedd is-adran (1).

[F6 (4) Mewn perthynas ag is-ddeddfwriaeth sy'n ymwneud â physgota, pysgodfeydd neu iechyd pysgod ac a wneir ar ôl i adran 45 o Ddeddf Pysgodfeydd 2020 (p. 22) ddod i rym, mae'r cyfeiriad yn is-adran (2)(b)(iii) at Gymru yn cynnwys yr ardal o barth Cymru sydd y tu hwnt i derfynau atfor y môr tiriogaethol.]

Diwygiadau Testunol

F1 Geiriau yn Deddf wedi eu hamnewid (6.5.2020) gan Deddf Senedd ac Etholiadau (Cymru) 2020 (anaw 1), a. 42(2), Atod. 1 para. 5(9)

F2 Geiriau yn a. 3(1)(b) wedi eu hamnewid (11.10.2019) gan Gorchymyn Deddf Deddfwriaeth (Cymru) 2019 (Cychwyn) 2019 (O.S. 2019/1333), erglau. 1(2), 3(a)

F3 Geiriau yn a. 3(1)(c) wedi eu hamnewid (11.10.2019) gan Gorchymyn Deddf Deddfwriaeth (Cymru) 2019 (Cychwyn) 2019 (O.S. 2019/1333), erglau. 1(2), 3(b)

F4 Geiriau yn Deddf wedi eu hamnewid (6.5.2020) gan Deddf Senedd ac Etholiadau (Cymru) 2020 (anaw 1), a. 42(2), Atod. 1 para. 5(8)

F5 Geiriau yn a. 3(2)(b) wedi eu hamnewid (1.1.2024) gan Retained EU Law (Revocation and Reform) Act 2023 (c. 28), a. 22(3), Atod. 2 para. 9(2)(a) (ynghyd ag a. 22(6)); O.S. 2023/1363, rhl. 3(e)

F6 A. 3(4) wedi ei fewnosod (23.1.2021) gan Fisheries Act 2020 (c. 22), aau. 46(6)(b), 54(2) (ynghyd ag Atod. 4 para. 31)

Gwybodaeth Cychwyn

I1 A. 3 mewn grym ar 11.9.2019 at ddibenion penodedig, gweler a. 44(1)(c)

I2 A. 3 mewn grym ar 1.1.2020 i'r graddau nad yw eisoes mewn grym gan O.S. 2019/1333, ergl. 2