http://www.legislation.gov.uk/anaw/2018/5/section/16/welshDeddf Iechyd y Cyhoedd (Isafbris am Alcohol) (Cymru) 2018cyStatute Law Database2026-03-27Expert Participation2026-02-09 GorfodiDarpariaeth atodol ynghylch pwerau mynediad 16 1 Caiff swyddog awdurdodedig i awdurdod lleol sy’n mynd i fangre o dan adran 13, neu yn rhinwedd gwarant a ddyroddir o dan adran 14 neu 15, fynd ag unrhyw bersonau eraill ac unrhyw gyfarpar y mae’r swyddog yn ystyried eu bod yn briodol. 2 Os yw meddiannydd mangre y mae swyddog awdurdodedig wedi ei awdurdodi i fynd iddi drwy warant o dan adran 14 neu 15 yn bresennol ar yr adeg y mae’r swyddog awdurdodedig yn ceisio gweithredu’r warant, rhaid i’r swyddog— a rhoi enw’r swyddog i’r meddiannydd; b cyflwyno i’r meddiannydd dystiolaeth ddogfennol o awdurdodiad y swyddog; c cyflenwi copi o’r warant i’r meddiannydd. 3 Os nad yw mangre y mae swyddog awdurdodedig wedi ei awdurdodi i fynd iddi drwy warant o dan adran 14 neu 15 wedi ei meddiannu, neu os yw’r meddiannydd yn absennol dros dro, yna wrth adael y fangre rhaid i’r swyddog ei gadael wedi ei diogelu yr un mor effeithiol rhag mynediad anawdurdodedig ag yr oedd pan aeth y swyddog iddi. A. 16 ddim mewn grym ar y Cydsyniad Brenhinol, gweler a. 28(2)A. 16 mewn grym ar 2.3.2020 gan O.S. 2020/175, rhl. 2(b)