Crynodeb a Chefndir
4.Nod y Ddeddf yw mynd i’r afael â phryderon Llywodraeth Cymru o ran y niwed i iechyd a’r niwed cymdeithasol a all gael eu hachosi o ganlyniad i effeithiau goryfed alcohol.
5.Datblygwyd y Ddeddf hon yn dilyn ymgynghoriad ar Bapur Gwyn Iechyd y Cyhoedd ‘Gwrando arnoch chi: Mae eich iechyd yn bwysig’ yn 2014, a oedd yn cynnwys cyfres o gynigion deddfwriaethol er mwyn mynd i’r afael â nifer o faterion iechyd y cyhoedd yng Nghymru. Un o’r cynigion hyn oedd cynnig i gyflwyno isafbris uned am alcohol. Wedi hynny, dyroddwyd Bil drafft Iechyd y Cyhoedd (Isafbris Alcohol) (Cymru) gan Lywodraeth Cymru ar gyfer ymgynghoriad cyhoeddus am gyfnod o bum mis ym mis Gorffennaf 2015.
6.Mae’r Ddeddf yn gwneud darpariaeth ynhghylch yr isafbris y mae alcohol i gael ei gyflenwi amdano yng Nghymru i berson yng Nghymru ac yn sefydlu gweithdrefn orfodi a arweinir gan yr awdurdod lleol.
7.Yn y Ddeddf ceir 30 o adrannau ac Atodlen.
