16Dyletswydd i adrodd ar arfer swyddogaethau o dan adrannau 14(1) a 15(1)LL+C
(1)Rhaid i Weinidogion Cymru osod gerbron Cynulliad Cenedlaethol Cymru adroddiad ar arfer eu swyddogaeth cydsyniad o dan adran 14(1) neu 15(1) cyn diwedd cyfnod o 60 o ddiwrnodau sy’n dechrau â’r diwrnod y rhoddir cydsyniad.
(2)Rhaid i adroddiad a lunnir o dan is-adran (1)—
(a)rhoi esboniad o’r is-ddeddfwriaeth sy’n cael ei gwneud, ei chymeradwyo neu ei chadarnhau;
(b)pennu’r person y mae’r swyddogaethau o wneud, cymeradwyo neu gadarnhau’r ddeddfwriaeth wedi eu rhoi iddo;
(c)pennu rhesymau Gweinidogion Cymru dros roi’r cydsyniad.
(3)At ddibenion is-adran (1), nid oes unrhyw ystyriaeth i’w rhoi i unrhyw amser pan yw Cynulliad Cenedlaethol Cymru wedi ei ddiddymu neu ar doriad am fwy na phedwar diwrnod.
Gwybodaeth Cychwyn
I1A. 16 mewn grym ar 7.6.2018, gweler a. 21