Deddf Iechyd y Cyhoedd (Cymru) 2017 (dccc2)

Valid from 29/09/2020

RHAN 3 LL+C TYBACO A CHYNHYRCHION NICOTIN

PENNOD 1 LL+C YSMYGU

Mangreoedd di-fwg LL+C

Valid from 01/03/2021

8 Mangreoedd sydd ar agor i’r cyhoedd LL+C

(1) I’r graddau nad ydynt yn ddi-fwg yn rhinwedd adran 7 (gweithleoedd), mae mangreoedd yng Nghymru yn ddi-fwg at ddibenion y Bennod hon os ydynt ar agor i’r cyhoedd.

(2) Mae mangreoedd ar agor i’r cyhoedd at ddibenion yr adran hon os oes gan y cyhoedd neu garfan o’r cyhoedd fynediad iddynt, pa un ai drwy wahoddiad ai peidio, a pha un a delir am fynediad ai peidio.

(3) Os dim ond rhan o’r fangre sydd ar agor i’r cyhoedd, dim ond i’r graddau hynny y mae’r fangre yn ddi-fwg yn rhinwedd yr adran hon.

(4) Dim ond yn yr ardaloedd hynny sy’n gaeedig neu’n sylweddol gaeedig y mae’r fangre yn ddi-fwg yn rhinwedd yr adran hon.

(5) Dim ond pan yw ar agor i’r cyhoedd y mae’r fangre yn ddi-fwg yn rhinwedd yr adran hon.

(6) Gweler adran 16 am esemptiadau.

Gwybodaeth Cychwyn

I1 A. 8 ddim mewn grym ar y Cydsyniad Brenhinol, gweler a. 126(2)