Deddf Treth Trafodiadau Tir a Gwrthweithio Osgoi Trethi Datganoledig (Cymru) 2017 (dccc1)

Valid from 18/10/2017

Valid from 01/04/2018

ATODLEN 5 LL+C TRAFODIADAU EIDDO PRESWYL CYFRADDAU UWCH

RHAN 3 LL+C PRYNWR SY’N UNIGOLYN: TRAFODIADAU ANHEDDAU LLUOSOG

Trafodiad eiddo preswyl cyfraddau uwch LL+C

11 (1) Mae trafodiad trethadwy yn drafodiad eiddo preswyl cyfraddau uwch—

(a) os yw’n dod o fewn is-baragraff (2), a

(b) os yw paragraff 13 neu 15 yn gymwys.

(2) Mae trafodiad yn dod o fewn yr is-baragraff hwn—

(a) os yw’r prynwr yn unigolyn, a

(b) os yw prif destun y trafodiad ar ffurf prif fuddiant mewn dwy annedd neu ragor (“yr anheddau a brynir”).

(3) Yn y Rhan hon o’r Atodlen hon, mae i “yr anheddau a brynir” yr ystyr a roddir gan is-baragraff (2)(b).

(4) Pan fo paragraff 18 yn gymwys, mae rhyng-drafodiad (o fewn yr ystyr a roddir gan y paragraff hwnnw) i’w drin fel pe bai’n drafodiad eiddo preswyl cyfraddau uwch.

(5) Nid yw trafodiad o fewn adran 72(9) yn drafodiad eiddo preswyl cyfraddau uwch ac eithrio pan fo Atodlen 13 yn gymwys (gweler yn benodol baragraff 6(6) o’r Atodlen honno).

Gwybodaeth Cychwyn

I1 Atod. 5 para. 11 ddim mewn grym ar y Cydsyniad Brenhinol, gweler a. 81(2)