Deddf Casglu a Rheoli Trethi (Cymru) 2016 (dccc6)

RHAN 2 LL+C AWDURDOD CYLLID CYMRU

Aelodaeth LL+C

4 Anghymhwyso rhag penodiad fel aelod anweithredol LL+C

Mae person wedi ei anghymhwyso rhag ei benodi yn aelod anweithredol o ACC os yw’r person—

(a) yn aelod o Gynulliad Cenedlaethol Cymru,

(b) yn aelod o Dŷ’r Cyffredin, o Dŷ’r Arglwyddi, o Senedd yr Alban neu o Gynulliad Gogledd Iwerddon,

(c) yn aelod o Senedd Ewrop,

(d) yn aelod o awdurdod lleol,

(e) yn aelod o Awdurdod Parc Cenedlaethol,

(f) yn aelod o Lywodraeth Cymru,

(g) yn un o Weinidogion y Goron, yn aelod o Lywodraeth yr Alban neu’n un o Weinidogion Gogledd Iwerddon,

(h) yn gomisiynydd heddlu a throseddu,

(i) yn berson sy’n dal swydd o dan y Goron,

(j) yn berson sydd wedi ei gyflogi gan wasanaeth sifil y Wladwriaeth, neu

(k) yn deiliad swydd, neu’n aelod neu’n aelod o staff corff, a ragnodwyd drwy reoliadau a wnaed gan Weinidogion Cymru.

Gwybodaeth Cychwyn

I1 A. 4 ddim mewn grym ar y Cydsyniad Brenhinol, gweler a. 194(2)

I2 A. 4 mewn grym ar 18.10.2017 gan O.S. 2017/954, ergl. 2