http://www.legislation.gov.uk/anaw/2016/6/section/175/enacted/welshDeddf Casglu a Rheoli Trethi (Cymru) 2016cyKing's Printer of Acts of Parliament2017-05-30 RHAN 8ADOLYGIADAU AC APELAUPENNOD 2ADOLYGIADAUCais hwyr am adolygiad 175 1 Pan fo person yn rhoi hysbysiad am gais i ACC ar ôl y cyfnod perthnasol— a caiff ACC adolygu’r penderfyniad y mae’r hysbysiad yn ymwneud ag ef, a b rhaid iddo wneud hynny os yw’n fodlon— i bod gan y person esgus rhesymol dros beidio â’i roi yn ystod y cyfnod perthnasol, a ii ei fod wedi ei roi i ACC wedyn heb oedi afresymol. 2 Rhaid i ACC ddyroddi hysbysiad i’r person yn datgan a fydd yn adolygu’r penderfyniad ai peidio. 3 Pan fo ACC yn dyroddi hysbysiad yn datgan na fydd yn adolygu’r penderfyniad, caiff y person wneud cais i’r tribiwnlys am gyfarwyddyd sy’n ei gwneud yn ofynnol i ACC gynnal yr adolygiad. 4 Caiff y tribiwnlys roi cyfarwyddyd o’r fath, a rhaid iddo wneud hynny os yw’n fodlon— a bod gan y ceisydd esgus rhesymol dros beidio â rhoi hysbysiad am y cais i ACC yn ystod y cyfnod perthnasol, b ei fod wedi ei roi i ACC wedyn heb oedi afresymol, ac yna c ei fod wedi gwneud cais i’r tribiwnlys heb oedi afresymol. 5 Yn yr adran hon, mae i “y cyfnod perthnasol” yr un ystyr ag yn adran 174.