RHAN 4GWEITHWYR GOFAL CYMDEITHASOL
Ymdrin â cheisiadau ar gyfer cofrestru neu adnewyddu
89Hysbysiad o benderfyniadau mewn cysylltiad â chofrestru neu adnewyddu
(1)
Mae is-adran (2) yn gymwys pan fo’r cofrestrydd yn penderfynu—
(a)
caniatáu cais i gofrestru, neu
(b)
caniatáu cais i adnewyddu cofrestriad.
(2)
Rhaid i’r cofrestrydd roi hysbysiad o’r penderfyniad i’r person y mae’r cais yn ymwneud ag ef.
(3)
Mae is-adran (4) yn gymwys pan fo’r cofrestrydd yn penderfynu—
(a)
gwrthod cais i gofrestru, neu
(b)
gwrthod cais i adnewyddu cofrestriad person.
(4)
Rhaid i’r cofrestrydd roi i’r person y mae’r penderfyniad yn ymwneud ag ef hysbysiad—
(a)
o’r penderfyniad,
(b)
o’r rhesymau dros y penderfyniad, ac
(c)
o’r hawl i apelio o dan adran 101.
F1(5)
Pan fo cais i gofrestru o dan adran 82 wedi ei gyflwyno gan ymgeisydd gwladwriaeth benodedig, rhaid i’r cofrestrydd roi hysbysiad o’r penderfyniad o dan is-adran (2) neu (4) i’r person y mae’r cais yn ymwneud ag ef heb fod yn hwyrach na phedwar mis ar ôl y dyddiad y cyflwynwyd y cais cyflawn.
(6)
Pan fo’r cofrestrydd yn methu â rhoi hysbysiad o benderfyniad o fewn y cyfnod amser a bennir yn is-adran (5), mae’r methiant hwnnw i’w drin at ddibenion Rhannau 3, 4 ac 8 fel penderfyniad gan y cofrestrydd.