ystyr “cofrestr” (“register”) yw’r gofrestr a gedwir o dan adran 80;

ystyr “cofrestrydd” (“registrar”) yw person a benodir fel cofrestrydd o dan adran 81;

mae i “gwaith cymdeithasol perthnasol” (“relevant social work”) yr ystyr a roddir gan adran 79(4);

mae i “gweithiwr cymdeithasol” (“social worker”) yr ystyr a roddir gan adran 79(1);

mae i “gweithiwr gofal cymdeithasol” (“social care worker”) yr ystyr a roddir gan adran 79;

mae i “gwladolyn” (“national”), mewn perthynas â Gwladwriaeth Ewropeaidd berthnasol, yr ystyr a roddir gan adran 90(8);

mae i “Gwladwriaeth Ewropeaidd berthnasol” (“relevant European State”) yr ystyr a roddir gan adran 90(8);

ystyr “panel addasrwydd i ymarfer” (“fitness to practise panel”) yw panel a sefydlir yn rhinwedd adran 174(1)(b);

ystyr “panel apelau cofrestru” (“registration appeals panel”) yw panel a sefydlir yn rhinwedd adran 174(1)(a);

ystyr “panel gorchmynion interim” (“interim orders panel”) yw panel a sefydlir yn rhinwedd adran 174(1)(c);

mae i “person esempt” (“exempt person”) yr ystyr a roddir gan adran 90(8);

mae’r “rhan gweithwyr cymdeithasol” (“social worker part”), mewn perthynas â’r gofrestr, i’w ddehongli yn unol ag adran 80(3);

mae “rhan ychwanegol” (“added part”), mewn perthynas â’r gofrestr, i’w ddehongli yn unol ag adran 80(3);

F1...

mae i “y Rheoliadau Systemau Cyffredinol” (“the General Systems Regulations”) yr ystyr a roddir gan adran 90(8).

F2mae i “rheolwr gofal cymdeithasol” (“social care manager”) yr ystyr a roddir gan adran 79(1)(b).

F2mae “rhan rheolwyr gofal cymdeithasol Ewropeaidd sydd ar ymweliad” (“visiting European social care manager part”), mewn perthynas â'r gofrestr, i'w ddehongli yn unol ag adran 80(3);

F2mae “rhan gweithwyr cymdeithasol Ewropeaidd sydd ar ymweliad” (“visiting European social worker part”), mewn perthynas â'r gofrestr, i'w ddehongli yn unol ag adran 80(3);