Deddf Rheoleiddio ac Arolygu Gofal Cymdeithasol (Cymru) 2016 (dccc2)

RHAN 9 LL+C CYDWEITHREDU A CHYDWEITHIO GAN Y CYRFF RHEOLEIDDIOL ETC.

177 Awdurdodau perthnasol LL+C

(1) Yn y Rhan hon yr awdurdodau perthnasol yw—

(a) Prif Arolygydd Ei Mawrhydi dros Addysg a Hyfforddiant yng Nghymru,

(b) Cyngor y Gweithlu Addysg,

(c) pob awdurdod lleol,

(d) pob Bwrdd Iechyd Lleol,

(e) Ymddiriedolaeth GIG,

(f) awdurdod tân ac achub Cymreig,

(g) Cyngor Iechyd Cymuned, ac

(h) unrhyw berson arall a ragnodir.

(2) Yn is-adran (1)—

(a) ystyr “Ymddiriedolaeth GIG” yw Ymddiriedolaeth Gwasanaeth Iechyd Gwladol sydd wedi ei chyfansoddi o dan Ddeddf y Gwasanaeth Iechyd Gwladol (Cymru) 2006 (p.42);

(b) ystyr “awdurdod tân ac achub Cymreig” yw awdurdod yng Nghymru sydd wedi ei gyfansoddi drwy gynllun o dan adran 2 o Ddeddf Gwasanaethau Tân ac Achub 2004 (p.21) neu gynllun y mae adran 4 o’r Ddeddf honno yn gymwys iddo;

(c) ysytr “Cyngor Iechyd Cymuned” yw Cyngor Iechyd Cymuned sy’n parhau neu a sefydlwyd o dan adran 182 o Ddeddf y Gwasanaeth Iechyd Gwladol (Cymru) 2006 (p.42).

Gwybodaeth Cychwyn

I1 A. 177 ddim mewn grym ar y Cydsyniad Brenhinol, gweler a. 188(1)

I2 A. 177 mewn grym ar 3.4.2017 gan O.S. 2017/309, ergl. 2(h) (ynghyd ag erglau. 3, 4, Atod.)