RHAN 7GORCHMYNION SY’N GWAHARDD GWAITH MEWN GOFAL CYMDEITHASOL: PERSONAU ANGHOFRESTREDIG

Darpariaeth atodol

173Safonau ymddygiad

(1)

Caiff Gweinidogion Cymru drwy reoliadau ei gwneud yn ofynnol i GCC benderfynu ar y safonau ymddygiad a ddisgwylir oddi wrth berson sy’n cyflawni gweithgaredd rheoleiddiedig.

(2)

O ran GCC—

(a)

rhaid iddo gadw’r safonau o dan adolygiad, a

(b)

caiff newid neu ddisodli’r safonau.

(3)

Rhaid i GCC gyhoeddi—

(a)

y safonau, a

(b)

os caiff y safonau eu newid neu eu disodli, y safonau sydd wedi eu newid neu’r safonau newydd.

(4)

Rhaid i GCC drwy reolau wneud darpariaeth ynghylch y weithdrefn i’w dilyn wrth benderfynu ar y safonau.

(5)

Caiff rheolau a wneir o dan is-adran (4), yn benodol—

(a)

gwneud darpariaeth ynghylch y meini prawf y penderfynir ar y safonau drwy gyfeirio atynt;

(b)

gwneud darpariaeth ynghylch y trefniadau ar gyfer cadw’r safonau o dan adolygiad.