(1)Rhaid i GCC sefydlu a chynnal rhestr o bersonau y mae gorchymyn gwahardd neu orchymyn gwahardd interim yn cael effaith mewn cysylltiad â hwy.
(2)Caiff Gweinidogion Cymru drwy reoliadau wneud darpariaeth ynghylch—
(a)ffurf a chynnwys y rhestr;
(b)pa un a yw’r rhestr, neu wybodaeth benodedig o’r rhestr, i’w chyhoeddi ai peidio;
(c)rhoi’r rhestr ar gael—
(i)i bersonau o ddisgrifiad penodedig, neu
(ii)er mwyn i’r cyhoedd edrych arni.