Deddf Rheoleiddio ac Arolygu Gofal Cymdeithasol (Cymru) 2016 (dccc2)

RHAN 6 LL+C GWEITHWYR GOFAL CYMDEITHASOL: ADDASRWYDD I YMARFER

PENNOD 2 LL+C GWEITHDREFNAU RHAGARWEINIOL

Ymchwilio LL+C

128 Rhybuddion LL+C

(1) Pan fo GCC yn bwriadu dyroddi rhybudd i berson cofrestredig, rhaid i GCC—

(a) hysbysu’r person cofrestredig am ei fwriad, a

(b) hysbysu’r person hwnnw am yr hawl i ofyn am wrandawiad llafar at ddiben dyfarnu pa un ai i roi rhybudd ai peidio.

(2) Rhaid i GCC drwy reolau wneud darpariaeth ynghylch—

(a) y cyfnod y caniateir i gais am wrandawiad llafar gael ei wneud ynddo;

(b) y trefniadau a’r weithdrefn ar gyfer gwrandawiad llafar.

(3) Rhaid i GCC ganiatáu cais am wrandawiad llafar os gwneir y cais yn unol â gofynion rheolau a wneir o dan is-adran (2).

Gwybodaeth Cychwyn

I1 A. 128 ddim mewn grym ar y Cydsyniad Brenhinol, gweler a. 188(1)

I2 A. 128 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)