Deddf Rheoleiddio ac Arolygu Gofal Cymdeithasol (Cymru) 2016 (dccc2)

RHAN 6 LL+C GWEITHWYR GOFAL CYMDEITHASOL: ADDASRWYDD I YMARFER

PENNOD 2 LL+C GWEITHDREFNAU RHAGARWEINIOL

Ystyriaeth ragarweiniol i honiadau etc. LL+C

118 Atgyfeirio honiadau etc. o amhariad ar addasrwydd i ymarfer LL+C

(1) Mae’r adran hon yn gymwys—

(a) pan fo honiad yn cael ei wneud i GCC bod amhariad ar addasrwydd person cofrestredig i ymarfer, neu

(b) pan fo gan GCC reswm fel arall dros gredu y gall fod amhariad ar addasrwydd person cofrestredig i ymarfer.

(2) O ran GCC—

(a) rhaid iddo atgyfeirio am ystyriaeth ragarweiniol y mater sy’n destun yr honiad neu ei reswm dros gredu y gall fod amhariad ar addasrwydd y person cofrestredig i ymarfer, a

(b) caiff atgyfeirio’r mater i banel gorchmynion interim (gweler Pennod 4).

Gwybodaeth Cychwyn

I1 A. 118 ddim mewn grym ar y Cydsyniad Brenhinol, gweler a. 188(1)

I2 A. 118 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)