RHAN 6GWEITHWYR GOFAL CYMDEITHASOL: ADDASRWYDD I YMARFER

PENNOD 1SEILIAU AMHARIAD

117Addasrwydd i ymarfer

(1)

Dim ond am un neu ragor o’r seiliau a ganlyn y caniateir ystyried bod amhariad ar addasrwydd person i ymarfer at ddibenion y Rhan hon a Rhan 4—

(a)

perfformiad diffygiol fel gweithiwr gofal cymdeithasol;

(b)

camymddwyn difrifol (pa un ai fel gweithiwr gofal cymdeithasol neu fel arall);

(c)

cynnwys y person ar restr wahardd;

(d)

dyfarniad gan gorff perthnasol i’r perwyl bod amhariad ar addasrwydd y person i ymarfer;

(e)

iechyd corfforol neu iechyd meddwl andwyol;

(f)

collfarn neu rybuddiad yn y Deyrnas Unedig am drosedd, neu gollfarn neu rybuddiad yn rhywle arall am dramgwydd a fyddai’n drosedd pe bai wedi ei gyflawni yng Nghymru a Lloegr.

(2)

At ddibenion is-adran (1)(a) caiff “perfformiad diffygiol fel gweithiwr gofal cymdeithasol” gynnwys—

(a)

achos o esgeuluster,

(b)

torri ymgymeriad y cytunir arno â GCC o dan y Ddeddf hon, ac

(c)

torri ymgymeriad y cytunir arno â phanel addasrwydd i ymarfer o dan y Ddeddf hon.

(3)

Yn is-adran (1)(c) ystyr “rhestr wahardd” yw—

(a)

rhestr a gynhelir o dan adran 2 o Ddeddf Diogelu Grwpiau Hyglwyf 2006 (p.47);

(4)

Yn is-adran (1)(d) ystyr “corff perthnasol” yw—

(a)

y Cyngor Proffesiynau Iechyd a Gofal F1neu Waith Cymdeithasol Lloegr ;

(b)

y Cyngor Nyrsio a Bydwreigiaeth;

(c)

Cyngor Gwasanaethau Cymdeithasol yr Alban;

(d)

Cyngor Gofal Cymdeithasol Gogledd Iwerddon;

(e)

corff y tu allan i’r Deyrnas Unedig sy’n gyfrifol am reoleiddio gweithgareddau a fyddai, yng Nghymru, yn cael eu rheoleiddio gan GCC;

(f)

corff rhagnodedig.

(5)

Caniateir ystyried bod amhariad ar addasrwydd person i ymarfer oherwydd materion sy’n codi neu ddigwyddiadau sy’n digwydd—

(a)

pa un ai y tu mewn neu y tu allan i Gymru;

(b)

pa un a oedd y person wedi ei gofrestru ar y gofrestr ar y pryd ai peidio;

(c)

pa un ai cyn neu ar ôl i’r adran hon ddod i rym.

(6)

Caiff Gweinidogion Cymru drwy reoliadau ddiwygio is-adran (1) at ddiben ychwanegu, addasu neu ddileu sail amhariad.