xmlns:atom="http://www.w3.org/2005/Atom" xmlns:atom="http://www.w3.org/2005/Atom"
Valid from 03/04/2017
(1)Caiff GCC drwy reolau wneud darpariaeth ar gyfer arolygu mannau lle y gwneir y canlynol neu ar gyfer arolygu sefydliadau y gwneir y canlynol ganddynt neu o dan eu cyfarwyddyd—
(a)y rhoddir, neu y bwriedir rhoi, unrhyw gwrs perthnasol (neu ran o gwrs o’r fath), neu
(b)y cynhelir unrhyw archwiliad, neu y bwriedir cynnal unrhyw archwiliad, mewn cysylltiad ag unrhyw gwrs perthnasol.
(2)Caiff y rheolau wneud darpariaeth—
(a)ar gyfer penodi personau i gynnal arolygiadau (“arolygwyr”);
(b)i adroddiadau gael eu gwneud gan arolygwyr—
(i)ar natur ac ansawdd y cyfarwyddyd a roddir, neu sydd i’w roi, a’r cyfleusterau a ddarperir, neu sydd i’w darparu, yn y man neu gan y sefydliad yr ymwelir ag ef;
(ii)ar unrhyw faterion eraill a bennir yn y rheolau;
(c)i GCC dalu ffioedd, lwfansau a threuliau i bersonau a benodir yn arolygwyr;
(d)i bersonau o’r fath gael eu trin, at ddibenion Atodlen 2, fel aelodau o staff GCC.
(3)Yn is-adran (1) ystyr “cwrs perthnasol”, mewn perthynas â GCC, yw—
(a)unrhyw gwrs y rhoddwyd cymeradwyaeth ar ei gyfer gan GCC, neu y ceisir cymeradwyaeth o’r fath, o dan adran 114, neu
(b)unrhyw hyfforddiant y caiff fod yn ofynnol, yn rhinwedd rheolau a wneir o dan adran 113(1), i berson sydd wedi ei dderbyn i ran o’r gofrestr ei gwblhau ar ôl cofrestru.
Gwybodaeth Cychwyn
I1A. 115 ddim mewn grym ar y Cydsyniad Brenhinol, gweler a. 188(1)