RHAN 1RHEOLEIDDIO GWASANAETHAU GOFAL CYMDEITHASOL

PENNOD 2COFRESTRU ETC. DARPARWYR GWASANAETHAU

Ymgeisio, amrywio a chanslo cofrestriad

10Datganiad blynyddol

(1)

Rhaid i ddarparwr gwasanaeth F1, ar ôl diwedd pob blwyddyn ariannol y mae’r darparwr wedi ei gofrestru ynddi—

(a)

cyflwyno datganiad blynyddol i Weinidogion Cymru;

(b)

cyhoeddi’r datganiad hwnnw ar ei wefan.

F2(1A)

Rhaid i ddarparwr gwasanaeth roi ar gael, ar gais, gopi o ddatganiad blynyddol sydd wedi ei gyhoeddi ar ei wefan.

(2)

Rhaid i ddatganiad blynyddol gynnwys—

(a)

yr wybodaeth a ganlyn—

(i)

y gwasanaethau rheoleiddiedig y mae’r darparwr gwasanaeth wedi ei gofrestru i’w darparu;

(ii)

y mannau y mae’r darparwr wedi ei gofrestru i ddarparu’r gwasanaethau hynny ynddynt, ohonynt neu mewn perthynas â hwy;

(iii)

enw’r unigolyn cyfrifol sydd wedi ei gofrestru mewn cysylltiad â phob man o’r fath;

(iv)

y dyddiad y cymerodd cofrestriad y darparwr effaith mewn cysylltiad â phob gwasanaeth rheoleiddiedig a phob man o’r fath;

(v)

manylion unrhyw amodau eraill a osodir ar gofrestriad y darparwr gwasanaeth;

(vi)

manylion am nifer y personau y darparodd y darparwr ofal a chymorth iddynt yn ystod y flwyddyn wrth ddarparu pob gwasanaeth o’r fath;

(vii)

unrhyw wybodaeth a ragnodir am hyfforddiant a gynigir neu a gyflawnir mewn perthynas â phob gwasanaeth o’r fath;

(viii)

unrhyw wybodaeth am gynllunio’r gweithlu a ragnodir;

F3(viiia)

unrhyw wybodaeth a ragnodir am dystiolaeth sy’n berthnasol i’r prawf person addas a phriodol;

(ix)

unrhyw wybodaeth arall a ragnodir, a

(b)

datganiad sy’n nodi sut y mae’r darparwr gwasanaeth wedi cydymffurfio ag unrhyw reoliadau a wneir o dan adran 27(1) sy’n pennu safon y gofal a’r cymorth y mae rhaid i ddarparwr gwasanaeth ei darparu (gweler adran 27(2)).

F4(2A)

Yn achos darparwr gwasanaeth, ac eithrio awdurdod lleol, sy’n darparu gwasanaeth plant o dan gyfyngiad, rhaid i ddatganiad hefyd gynnwys unrhyw wybodaeth a ragnodir er mwyn bodloni Gweinidogion Cymru bod y darparwr yn bodloni’r gofyniad yn adran 6A(1).

(2B)

Ond nid yw is-adran (2A) yn gymwys mewn cysylltiad â darparwr nad yw adran 6A yn gymwys iddo yn rhinwedd paragraff 2(4) o Atodlen 1A.

(3)

Rhaid i ddatganiad blynyddol fod ar y ffurf ragnodedig.

(4)

Rhaid cyflwyno datganiad blynyddol i Weinidogion Cymru o fewn y terfyn amser rhagnodedig.

F5(4A)

Rhaid cyhoeddi datganiad blynyddol o fewn y terfyn amser rhagnodedig.

(4B)

Ond os yw datgelu gwybodaeth a gynhwysir yn y datganiad blynyddol wedi ei wahardd drwy unrhyw ddeddfiad neu reol gyfreithiol arall, rhaid cuddio’r wybodaeth honno yn y datganiad blynyddol cyn ei gyhoeddi.

F6(5)

. . . . . . . . . . . . . . . . . . . . . . . . . . . . . . . .

(6)

Er gwaethaf adran 187(3), ni chaniateir gwneud offeryn statudol sy’n cynnwys—

(a)

y rheoliadau cyntaf a wneir o dan is-adran (2)(a)(vii),

(b)

y rheoliadau cyntaf a wneir o dan is-adran (2)(a)(viii), F7...

F8(ba)

y rheoliadau cyntaf a wneir o dan is-adran (2)(a)(viiia),

(c)

y rheoliadau cyntaf a wneir o dan is-adran (2)(a)(ix), F9neu

F10(d)

y rheoliadau cyntaf a wneir o dan is-adran (2A),

oni bai bod drafft o’r offeryn wedi ei osod gerbron F11Senedd Cymru a’i gymeradwyo ganddo drwy benderfyniad.