xmlns:atom="http://www.w3.org/2005/Atom" xmlns:atom="http://www.w3.org/2005/Atom"
(1)Mae’r adran hon yn gymwys—
(a)pan fo honiad yn cael ei wneud i GCC bod amhariad ar addasrwydd person cofrestredig i ymarfer, neu
(b)pan fo gan GCC reswm fel arall dros gredu y gall fod amhariad ar addasrwydd person cofrestredig i ymarfer.
(2)O ran GCC—
(a)rhaid iddo atgyfeirio am ystyriaeth ragarweiniol y mater sy’n destun yr honiad neu ei reswm dros gredu y gall fod amhariad ar addasrwydd y person cofrestredig i ymarfer, a
(b)caiff atgyfeirio’r mater i banel gorchmynion interim (gweler Pennod 4).
Gwybodaeth Cychwyn
I1A. 118 ddim mewn grym ar y Cydsyniad Brenhinol, gweler a. 188(1)
I2A. 118 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Rhaid i’r person sy’n rhoi ystyriaeth ragarweiniol i fater a atgyfeirir gan GCC atgyfeirio’r mater hwnnw i ymchwilio iddo o dan adran 125 oni bai—
(a)bod y person yn dyfarnu nad yw’r mater yn gymwys i’w atgyfeirio ymlaen o dan adran 120, neu
(b)ei bod yn ofynnol i’r person drwy adran 121 atgyfeirio’r mater yn uniongyrchol i banel addasrwydd i ymarfer.
(2)Caiff y person sy’n rhoi ystyriaeth ragarweiniol i fater atgyfeirio’r mater, ar unrhyw adeg, i banel gorchmynion interim (yn ychwanegol at wneud atgyfeiriad neu ddyfarniad o dan is-adran (1)).
(3)Rhaid i GCC drwy reolau wneud darpariaeth ynghylch y weithdrefn ar gyfer ystyriaeth ragarweiniol a gaiff, yn benodol, ddarparu i’r canlynol gynnal ystyriaeth ragarweiniol—
(a)un neu ragor o bersonau a benodir at y diben hwnnw, ar unrhyw delerau ac amodau (gan gynnwys tâl) y mae GCC yn penderfynu arnynt;
(b)un neu ragor o aelodau o staff GCC.
(4)Ond ni chaiff rheolau a wneir o dan is-adran (3) ddarparu i’r canlynol gynnal ystyriaeth ragarweiniol—
(a)person sy’n aelod o—
(i)GCC,
(ii)y Cyngor Proffesiynau Iechyd a Gofal,
(iii)Cyngor Gwasanaethau Cymdeithasol yr Alban, neu
(iv)Cyngor Gofal Cymdeithasol Gogledd Iwerddon;
(b)person sy’n aelod o banel addasrwydd i ymarfer;
(c)person sy’n aelod o banel gorchmynion interim;
(d)person rhagnodedig.
(5)Rhaid i GCC wneud unrhyw drefniadau sy’n briodol yn ei farn ef i hwyluso cydweithredu rhwng—
(a)person sydd wedi gwneud honiad bod amhariad ar addasrwydd person cofrestredig i ymarfer, a
(b)y person sy’n rhoi ystyriaeth ragarweiniol i’r honiad.
Gwybodaeth Cychwyn
I3A. 119 ddim mewn grym ar y Cydsyniad Brenhinol, gweler a. 188(1)
I4A. 119 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Mae mater yn gymwys i’w atgyfeirio ymlaen oni bai—
(a)bod y mater yn ymwneud ag ymddygiad neu ddigwyddiad a ddigwyddodd 5 mlynedd neu ragor cyn y dyddiad perthnasol ac nad oes unrhyw un o’r eithriadau yn is-adran (4) yn gymwys,
(b)bod y person a benodir i roi ystyriaeth ragarweiniol i’r mater yn meddwl bod yr honiad yn flinderus, neu
(c)pan fo honiad wedi ei wneud yn ddienw, neu gan berson sy’n methu â chydymffurfio â’r weithdrefn ystyriaeth ragarweiniol, na all y person a benodir i roi ystyriaeth ragarweiniol i’r mater ei wirio.
(2)Yn is-adran (1) mae’r cyfeiriad at atgyfeirio ymlaen yn gyfeiriad at—
(a)atgyfeirio i banel addasrwydd i ymarfer o dan adran 121, neu
(b)atgyfeirio ar gyfer ymchwiliad o dan adran 125.
(3)Yn is-adran (1)(a) ystyr “dyddiad perthnasol” yw—
(a)dyddiad yr honiad o dan adran 118(1)(a), neu
(b)pan na fo honiad wedi ei wneud o dan yr adran honno, y dyddiad y daeth GCC yn ymwybodol o’r mater yn gyntaf.
(4)At ddibenion is-adran (1)(a) yr eithriadau yw—
(a)bod y mater yn ymwneud â chollfarn person cofrestredig am drosedd berthnasol;
(b)bod y mater yn ymwneud â chynnwys y person cofrestredig ar restr wahardd (fel y’i diffinnir yn adran 117);
(c)bod y mater yn ymwneud â dyfarniad gan gorff perthnasol (fel y’i diffinnir yn adran 117) i’r perwyl bod amhariad ar addasrwydd person cofrestredig i ymarfer;
(d)bod y person sy’n rhoi ystyriaeth ragarweiniol i’r mater yn meddwl ei bod er budd y cyhoedd i’r mater gael ei atgyfeirio ar gyfer ymchwiliad.
(5)At ddibenion is-adran (4)(a) ac adran 121, trosedd berthnasol yw—
(a)yn achos collfarn gan lys yn y Deyrnas Unedig, trosedd y gosodwyd dedfryd o garchar, neu y gellid bod wedi gosod dedfryd o garchar, mewn cysylltiad â hi, neu
(b)yn achos collfarn gan lys yn rhywle arall, trosedd y gallai dedfryd o garchar fod wedi ei gosod mewn cysylltiad â hi, pe bai’r drosedd wedi ei chyflawni yng Nghymru neu Loegr.
(6)Yn is-adran (5), mae i “dedfryd o garchar” yr ystyr a roddir i “custodial sentence” gan adran 76 o Ddeddf Pwerau Llysoedd Troseddol (Dedfrydu) 2000 (p.6).
Gwybodaeth Cychwyn
I5A. 120 ddim mewn grym ar y Cydsyniad Brenhinol, gweler a. 188(1)
I6A. 120 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
Rhaid i berson sy’n rhoi ystyriaeth ragarweiniol i fater ei atgyfeirio’n uniongyrchol i banel addasrwydd i ymarfer—
(a)os yw’r mater yn ymwneud â chollfarn person cofrestredig am drosedd berthnasol (gweler adran 120(5)), a
(b)o dan unrhyw amgylchiadau eraill a bennir gan GCC mewn rheolau.
Gwybodaeth Cychwyn
I7A. 121 ddim mewn grym ar y Cydsyniad Brenhinol, gweler a. 188(1)
I8A. 121 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Mae’r adran hon yn gymwys pan fo person sy’n rhoi ystyriaeth ragarweiniol i fater yn dyfarnu nad yw’r mater yn gymwys i’w atgyfeirio ymlaen o dan adran 120(1).
(2)Rhaid i GCC roi hysbysiad o’r dyfarniad i’r personau perthnasol, oni bai bod GCC yn meddwl nad yw er budd y cyhoedd i wneud hynny.
(3)At ddibenion is-adran (2) “y personau perthnasol” yw—
(a)y person cofrestredig y mae’r mater yn ymwneud ag ef, a
(b)pan fo’r mater yn destun honiad a grybwyllir yn adran 118(1)(a), y person a wnaeth yr honiad.
(4)Caiff GCC roi hysbysiad i unrhyw berson arall nad yw mater yn gymwys i’w atgyfeirio ymlaen pan fo wedi ei fodloni ei bod er budd y cyhoedd i wneud hynny.
(5)Caiff GCC drwy reolau wneud darpariaeth ynghylch—
(a)cynnwys hysbysiad o dan yr adran hon, a
(b)y weithdrefn ar gyfer rhoi hysbysiad.
Gwybodaeth Cychwyn
I9A. 122 ddim mewn grym ar y Cydsyniad Brenhinol, gweler a. 188(1)
I10A. 122 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Mae’r adran hon yn gymwys, ar ôl i ystyriaeth ragarweiniol o dan adran 119 ddod i ben, pan fo mater yn cael ei atgyfeirio—
(a)i banel addasrwydd i ymarfer o dan adran 121, neu
(b)ar gyfer ymchwiliad o dan adran 125.
(2)Rhaid i GCC roi hysbysiad—
(a)i’r person cofrestredig y mae’r mater yn ymwneud ag ef;
(b)pan fo’r mater yn destun honiad a grybwyllir yn adran 118(1)(a), i’r person a wnaeth yr honiad;
(c)i bob person y cyflogir y person cofrestredig fel gweithiwr gofal cymdeithasol ganddo, hyd y gŵyr GCC;
(d)i bob person sydd, hyd y gŵyr GCC, â threfniant â’r person cofrestredig i’r person cofrestredig ddarparu gwasanaethau i drydydd parti yn rhinwedd ei swydd fel gweithiwr gofal cymdeithasol;
(e)i unrhyw bersonau eraill a ragnodir.
(3)Rhaid i GCC drwy reolau wneud darpariaeth ynghylch rhoi hysbysiad o dan is-adran (2).
(4)Caiff y rheolau, yn benodol, wneud darpariaeth ynghylch—
(a)cynnwys hysbysiad;
(b)y weithdrefn ar gyfer rhoi hysbysiad;
(c)y cyfnod y mae rhaid rhoi hysbysiad ynddo.
Gwybodaeth Cychwyn
I11A. 123 ddim mewn grym ar y Cydsyniad Brenhinol, gweler a. 188(1)
I12A. 123 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
Pan fo person yn atgyfeirio mater i banel gorchmynion interim o dan adran 118(2)(b) neu 119(2), o ran GCC—
(a)rhaid iddo roi hysbysiad o’r atgyfeirio—
(i)i’r person cofrestredig y mae’r mater yn ymwneud ag ef, a
(ii)pan fo’r mater yn destun honiad a grybwyllir yn adran 118(1)(a), i’r person a wnaeth yr honiad, a
(b)caiff roi hysbysiad o’r atgyfeirio i unrhyw berson arall os yw GCC yn meddwl ei bod er budd y cyhoedd i wneud hynny.
Gwybodaeth Cychwyn
I13A. 124 ddim mewn grym ar y Cydsyniad Brenhinol, gweler a. 188(1)
I14A. 124 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Rhaid i GCC ymchwilio, neu wneud trefniadau ar gyfer ymchwilio, i fater a atgyfeirir o dan adran 119 mewn cysylltiad ag addasrwydd person cofrestredig i ymarfer.
(2)Caiff y person sy’n cynnal ymchwiliad o dan yr adran hon atgyfeirio’r mater i banel gorchmynion interim ar unrhyw adeg yn ystod yr ymchwiliad.
(3)Rhaid i GCC drwy reolau wneud darpariaeth ynghylch y trefniadau ar gyfer ymchwiliadau o dan yr adran hon.
(4)Caiff rheolau a wneir o dan is-adran (3), yn benodol, wneud darpariaeth—
(a)i’r person cofrestredig gyflwyno sylwadau i’r person sy’n cynnal yr ymchwiliad;
(b)i aelod o staff GCC gynnal ymchwiliadau;
(c)ar gyfer penodi un neu ragor o unigolion at ddiben cynnal ymchwiliad;
(d)ar gyfer penodi personau i roi cynhorthwy mewn perthynas ag ymchwiliad.
(5)Ond ni chaiff rheolau a wneir o dan is-adran (3) ddarparu i’r canlynol gynnal ymchwiliad—
(a)person sy’n aelod o—
(i)GCC,
(ii)y Cyngor Proffesiynau Iechyd a Gofal,
(iii)Cyngor Gwasanaethau Cymdeithasol yr Alban, neu
(iv)Cyngor Gofal Cymdeithasol Gogledd Iwerddon;
(b)person sy’n aelod o banel addasrwydd i ymarfer;
(c)person sy’n aelod o banel gorchmynion interim;
(d)person rhagnodedig.
Gwybodaeth Cychwyn
I15A. 125 ddim mewn grym ar y Cydsyniad Brenhinol, gweler a. 188(1)
I16A. 125 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Mae’r adran hon yn gymwys pan fo’r ymchwiliad i fater sy’n ymwneud ag addasrwydd person cofrestredig i ymarfer wedi dod i ben.
(2)Rhaid i GCC atgyfeirio’r mater i banel addasrwydd i ymarfer os yw wedi ei fodloni—
(a)bod rhagolwg realistig i’r panel ddod i’r casgliad bod amhariad ar addasrwydd y person cofrestredig i ymarfer, a
(b)ei bod er budd y cyhoedd i atgyfeirio’r mater.
(3)Pan na fo’r mater yn cael ei atgyfeirio i banel addasrwydd i ymarfer, caiff GCC—
(a)penderfynu peidio â chymryd unrhyw gamau pellach mewn cysylltiad â’r person cofrestredig;
(b)rhoi cyngor i’r person cofrestredig, neu i unrhyw berson arall sy’n ymwneud â’r ymchwiliad, mewn cysylltiad ag unrhyw fater sy’n gysylltiedig â’r ymchwiliad;
(c)dyroddi rhybudd i’r person cofrestredig mewn cysylltiad ag ymddygiad neu berfformiad yn y dyfodol;
(d)cytuno â’r person cofrestredig y bydd yn cydymffurfio ag unrhyw ymgymeriadau sy’n briodol ym marn GCC;
(e)caniatáu cais o dan adran 92 gan y person cofrestredig i’w gofnod yn y gofrestr gael ei ddileu drwy gytundeb.
Gwybodaeth Cychwyn
I17A. 126 ddim mewn grym ar y Cydsyniad Brenhinol, gweler a. 188(1)
I18A. 126 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Rhaid i GCC roi hysbysiad i’r personau a restrir yn is-adran (2)—
(a)bod mater wedi ei atgyfeirio i banel gorchmynion interim o dan adran 125(2);
(b)bod mater wedi ei atgyfeirio i banel addasrwydd i ymarfer o dan adran 126(2);
(c)o’r ffordd y mae’r mater wedi ei waredu o dan adran 126(3).
(2)Y personau yw—
(a)y person cofrestredig y mae’r mater yn ymwneud ag ef, a
(b)pan fo’r mater yn destun honiad a grybwyllir yn adran 118(1)(a), y person a wnaeth yr honiad.
(3)Caiff GCC roi hysbysiad i unrhyw berson arall o’r atgyfeiriad neu’r gwarediad o fater o dan adran 126 os yw wedi ei fodloni ei bod er budd y cyhoedd i wneud hynny.
(4)Rhaid i hysbysiad o dan yr adran hon roi’r rhesymau dros yr atgyfeiriad.
Gwybodaeth Cychwyn
I19A. 127 ddim mewn grym ar y Cydsyniad Brenhinol, gweler a. 188(1)
I20A. 127 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Pan fo GCC yn bwriadu dyroddi rhybudd i berson cofrestredig, rhaid i GCC—
(a)hysbysu’r person cofrestredig am ei fwriad, a
(b)hysbysu’r person hwnnw am yr hawl i ofyn am wrandawiad llafar at ddiben dyfarnu pa un ai i roi rhybudd ai peidio.
(2)Rhaid i GCC drwy reolau wneud darpariaeth ynghylch—
(a)y cyfnod y caniateir i gais am wrandawiad llafar gael ei wneud ynddo;
(b)y trefniadau a’r weithdrefn ar gyfer gwrandawiad llafar.
(3)Rhaid i GCC ganiatáu cais am wrandawiad llafar os gwneir y cais yn unol â gofynion rheolau a wneir o dan is-adran (2).
Gwybodaeth Cychwyn
I21A. 128 ddim mewn grym ar y Cydsyniad Brenhinol, gweler a. 188(1)
I22A. 128 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Rhaid i GCC drwy reolau wneud darpariaeth ynghylch cytuno ar ymgymeriadau o dan adran 126(3)(d).
(2)Caiff y rheolau, yn benodol, wneud darpariaeth ynghylch—
(a)y weithdrefn sydd i’w dilyn ar gyfer cytuno ar ymgymeriadau;
(b)y weithdrefn sydd i’w dilyn os caiff ymgymeriad ei dorri;
(c)canlyniadau torri ymgymeriad;
(d)adolygiad cyfnodol o ofyniad i gydymffurfio ag ymgymeriad.
Gwybodaeth Cychwyn
I23A. 129 ddim mewn grym ar y Cydsyniad Brenhinol, gweler a. 188(1)
I24A. 129 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Caiff Gweinidogion Cymru drwy reoliadau ddarparu, neu awdurdodi GCC drwy reolau i ddarparu, ar gyfer trefniadau i gynnal cyfryngu gydag unrhyw berson cofrestredig yr atgyfeirir mater ar gyfer ymchwiliad mewn cysylltiad ag ef o dan adran 125.
(2)Caiff y rheoliadau wneud darpariaeth, neu awdurdodi GCC drwy reolau i wneud darpariaeth, ynghylch—
(a)yr amgylchiadau pan ganiateir cynnal cyfryngu, a
(b)y trefniadau ar gyfer cynnal cyfryngu.
Gwybodaeth Cychwyn
I25A. 130 ddim mewn grym ar y Cydsyniad Brenhinol, gweler a. 188(1)
I26A. 130 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Rhaid i GCC adolygu penderfyniad y mae is-adran (2) yn gymwys iddo—
(a)os yw’n meddwl y gall fod diffyg perthnasol ar y penderfyniad, neu
(b)os yw’n meddwl y gall penderfyniad gwahanol fod wedi ei wneud ar sail gwybodaeth nad oedd ar gael pan wnaed y penderfyniad.
(2)Mae’r is-adran hon yn gymwys i’r penderfyniadau a ganlyn—
(a)penderfyniad i beidio ag atgyfeirio mater i banel addasrwydd i ymarfer o dan adran 121 neu 126(2),
(b)penderfyniad i beidio ag atgyfeirio mater ar gyfer ymchwiliad o dan adran 125,
(c)penderfyniad i waredu achos ar ôl ymchwiliad o dan adran 126(3), a
(d)penderfyniad i atgyfeirio achos ar gyfer cyfryngu o dan reoliadau o dan adran 130.
(3)Ni chaiff GCC adolygu penderfyniad ar ôl diwedd y cyfnod o 2 flynedd sy’n dechrau â’r dyddiad y gwnaed y penderfyniad oni bai bod GCC yn meddwl ei bod er budd y cyhoedd i wneud hynny.
(4)Pan fo GCC yn penderfynu adolygu penderfyniad, rhaid iddo roi hysbysiad i’r partïon a chanddynt fuddiant—
(a)o’r penderfyniad i gynnal adolygiad, a
(b)o’r rhesymau dros gynnal adolygiad.
(5)Yn yr adran hon, ystyr “partïon a chanddynt fuddiant” yw—
(a)y person cofrestredig y gwnaed y penderfyniad sy’n cael ei adolygu mewn cysylltiad ag ef,
(b)y person (os oes un) a wnaeth honiad y gwnaed y penderfyniad mewn cysylltiad ag ef, ac
(c)unrhyw berson arall y mae GCC yn meddwl bod ganddo fuddiant yn y penderfyniad.
(6)Yn sgil adolygiad o dan yr adran hon, caiff GCC—
(a)rhoi yn lle’r penderfyniad sy’n cael ei adolygu benderfyniad arall o fath a allai fod wedi ei wneud gan y penderfynwr gwreiddiol,
(b)atgyfeirio’r mater ar gyfer ymchwiliad o dan adran 125, neu
(c)dyfarnu bod y penderfyniad yn sefyll.
(7)Rhaid i GCC roi hysbysiad o ganlyniad yr adolygiad i’r partïon a chanddynt fuddiant.
(8)Rhaid i GCC drwy reolau wneud darpariaeth ynghylch y trefniadau ar gyfer cynnal adolygiad o dan yr adran hon.
(9)Caiff rheolau a wneir o dan is-adran (8), yn benodol, wneud darpariaeth ynghylch—
(a)y weithdrefn sydd i’w dilyn wrth gynnal adolygiad (gan gynnwys darpariaeth i’r partïon a chanddynt fuddiant gyflwyno sylwadau i GCC);
(b)cynnwys ac amseriad hysbysiadau sydd i’w rhoi o dan yr adran hon.
Gwybodaeth Cychwyn
I27A. 131 ddim mewn grym ar y Cydsyniad Brenhinol, gweler a. 188(1)
I28A. 131 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Mae’r adran hon yn gymwys pan fo mater wedi ei atgyfeirio i banel addasrwydd i ymarfer o dan adran 121 neu 126(2) neu i banel gorchmynion interim o dan adran 118(2)(b), 119(2) neu 125(2) ac—
(a)nad yw GCC bellach yn meddwl bod rhagolwg realistig y bydd y panel yn dod i’r casgliad bod amhariad ar addasrwydd y person cofrestredig i ymarfer, neu
(b)bod GCC fel arall yn meddwl nad yw bellach yn briodol i’r person cofrestredig fod yn ddarostyngedig i achos addasrwydd i ymarfer o dan y Rhan hon.
(2)Caiff GCC—
(a)dyfarnu na chaiff y panel addasrwydd i ymarfer neu’r panel gorchmynion interim ddechrau achos neu barhau ag achos mewn cysylltiad â’r mater, neu
(b)dyfarnu na chaiff yr achos addasrwydd i ymarfer ddechrau neu barhau ond mewn cysylltiad ag unrhyw fanylion y mater y mae GCC yn eu pennu.
(3)Pan fo GCC yn gwneud dyfarniad o dan is-adran (2), caiff atgyfeirio’r mater, neu fanylion penodedig y mater, ar gyfer ymchwiliad o dan adran 125.
(4)Rhaid i GCC roi hysbysiad o ddyfarniad o dan is-adran (2)—
(a)i’r person cofrestredig y mae’r mater yn ymwneud ag ef,
(b)pan fo honiad wedi ei wneud, i’r person a wnaeth yr honiad, ac
(c)i unrhyw berson y rhoddwyd hysbysiad o’r atgyfeirio iddo o dan adran 123(2)(c), (d) neu (e) neu 127(3).
(5)Rhaid i’r hysbysiad gynnwys y rhesymau dros y dyfarniad.
(6)Rhaid i GCC drwy reolau wneud darpariaeth ynghylch y weithdrefn ar gyfer arfer ei swyddogaethau o dan yr adran hon; yn benodol, darpariaeth ynghylch—
(a)y weithdrefn sydd i’w dilyn wrth wneud dyfarniad o dan is-adran (2), a
(b)cynnwys ac amseriad hysbysiad o dan is-adran (4).
Gwybodaeth Cychwyn
I29A. 132 ddim mewn grym ar y Cydsyniad Brenhinol, gweler a. 188(1)
I30A. 132 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)
(1)Mae’r adran hon yn gymwys pan fo unrhyw un neu ragor o’r canlynol yn cael effaith mewn perthynas â pherson cofrestredig—
(a)ymgymeriadau y cytunir arnynt rhwng y person a GCC o dan adran 126(3)(d);
(b)ymgymeriadau y cytunir arnynt rhwng y person a phanel addasrwydd i ymarfer o dan adran 136(1), 152(5) neu (6), 153(4), 154(4) neu 155(7);
(c)gorchymyn cofrestru amodol a wneir (neu a gadarnheir neu a amrywir) o dan adran 138(7), 152(8)(c), 153(6) neu (7), 154(8)(c) neu 155(10)(c);
(d)gorchymyn atal dros dro a wneir (neu a gadarnheir neu a amrywir) o dan adran 138(8), 152(8)(d), 153(9)(c) neu 154(6) neu (7).
(2)Os yw GCC yn meddwl ar unrhyw adeg ei bod yn ddymunol y dylai panel addasrwydd i ymarfer adolygu addasrwydd y person cofrestredig i ymarfer, caiff GCC atgyfeirio’r achos i’r panel i gynnal adolygiad (gweler Pennod 5).
(3)Ond rhaid i GCC atgyfeirio achos i banel addasrwydd i ymarfer i gynnal adolygiad o addasrwydd i ymarfer person cofrestredig os oes gan GCC reswm dros gredu—
(a)pan fo’r person wedi cytuno ar ymgymeriad o’r math a grybwyllir yn is-adran (1)(a) neu (b), fod y person wedi torri’r ymgymeriad, neu
(b)pan fo’r person yn ddarostyngedig i orchymyn cofrestru amodol o’r math a grybwyllir yn is-adran (1)(c), fod y person wedi torri unrhyw amod o’r gorchymyn.
Gwybodaeth Cychwyn
I31A. 133 ddim mewn grym ar y Cydsyniad Brenhinol, gweler a. 188(1)
I32A. 133 mewn grym ar 3.4.2017 gan O.S. 2017/309, ergl. 2(e) (ynghyd ag erglau. 3, 4, Atod.)