64Hawliad meddiant yn erbyn deiliad y contract pan fo isddeiliad
This section has no associated Explanatory Notes
(1)Mae’r adran hon yn gymwys—
(a)os yw deiliad y contract (“D”) o dan gontract meddiannaeth (“y prif gontract”) yn ymrwymo i gontract isfeddiannaeth yn unol â’r prif gontract, a
(b)os yw landlord D, ar ôl i’r contract isfeddiannaeth gael ei wneud, yn rhoi hysbysiad adennill meddiant i D, neu hysbysiad arall yn hysbysu D bod rhaid iddo ildio meddiant.
(2)Ar yr un pryd ag y mae’n rhoi hysbysiad a grybwyllir yn is-adran (1)(b) i D, rhaid i landlord D roi hysbysiad i’r isddeiliad—
(a)sy’n datgan ei fod yn bwriadu gwneud hawliad meddiant yn erbyn D, a
(b)sy’n pennu’r sail ar gyfer gwneud yr hawliad.