Deddf Addysg Uwch (Cymru) 2015 (dccc1)

RHAN 2 LL+C CYNLLUNIAU FFIOEDD A MYNEDIAD

Addasiadau (ddim yn newid testun)

C1 Rhn. 2 addaswyd (1.9.2015) gan The Higher Education (Wales) Act 2015 (Consequential Provision) Order 2015 (O.S. 2015/1353), erglau. 1(2), 3

Cydymffurfio â’r terfyn ffioedd LL+C

12 Darpariaeth atodol ynghylch cyfarwyddydau cydymffurfio ac ad-dalu LL+C

(1) Caiff CCAUC ddyroddi canllawiau ynghylch y camau sydd i’w cymryd at y diben o gydymffurfio â chyfarwyddyd cydymffurfio ac ad-dalu.

(2) Cyn dyroddi canllawiau o dan yr adran hon, rhaid i CCAUC ymgynghori â chorff llywodraethu pob sefydliad rheoleiddiedig; a chaiff ymgynghori â chorff llywodraethu unrhyw sefydliad arall o fewn adran 2(3) sy’n briodol yn ei farn ef.

(3) Rhaid i gorff llywodraethu y mae cyfarwyddyd cydymffurfio ac ad-dalu wedi ei roi iddo, wrth gydymffurfio â’r cyfarwyddyd, ystyried unrhyw ganllawiau a ddyroddir o dan yr adran hon.

(4) Am y ddarpariaeth weithdrefnol ynghylch cyfarwyddydau cydymffurfio ac ad-dalu, gweler adrannau 41 i 44.

Gwybodaeth Cychwyn

I1 A. 12 ddim mewn grym ar y Cydsyniad Brenhinol, gweler a. 59(2)

I2 A. 12 mewn grym ar 1.9.2015 gan O.S. 2015/1327, ergl. 5(d)