RHAN 6PLANT SY’N DERBYN GOFAL A PHLANT SY’N CAEL EU LLETYA

Rheoliadau ynghylch plant sy’n derbyn gofal

91Rheoliadau ynghylch osgoi amharu ar addysg

(1)

Caiff rheoliadau o dan adran 87 osod, er enghraifft, gofynion y mae’n rhaid i awdurdod lleol gydymffurfio â hwy cyn gwneud unrhyw benderfyniad sy’n ymwneud â lleoliad plentyn F1perthnasol F2os yw yng nghyfnod allweddol pedwar.

(1A)

Yn is-adran (1), ystyr “plentyn perthnasol” yw plentyn—

(a)

sy’n ddisgybl mewn ysgol a gynhelir,

(b)

sydd wedi cwblhau’r flwyddyn ysgol y cyrhaeddodd y rhan fwyaf o’r disgyblion yn nosbarth y plentyn 14 oed ynddi, ac

(c)

sy’n dal i fod o’r oedran ysgol gorfodol.

(2)

F3Mae plentyn “yng nghyfnod allweddol pedwar” os yw’n ddisgybl yng nghyfnod allweddol pedwar (“the fourth key stage”) at ddibenion Rhan 7 o Ddeddf Addysg 2002 (gweler adran 103 o’r Ddeddf honno).

F3Yn is-adran (1A)—

(a)

mae i “disgybl”, “blwyddyn ysgol” ac “oedran ysgol gorfodol” yr ystyr a roddir i “pupil”, “school year” a “compulsory school age” yn Neddf Addysg 1996;

(b)

mae i “ysgol a gynhelir” yr ystyr a roddir gan adran 79 o Ddeddf Cwricwlwm ac Asesu (Cymru) 2021;

(c)

ystyr “dosbarth y plentyn” yw—

(i)

y grŵp addysgu yr addysgir y plentyn ynddo yn rheolaidd yn yr ysgol, neu

(ii)

pan fo dau neu ragor o grwpiau o’r fath, y grŵp a ddynodir gan bennaeth ysgol y plentyn.