Deddf Cartrefi Symudol (Cymru) 2013 (dccc6)

Valid from 01/10/2014

RHAN 2 LL+C TRWYDDEDU SAFLEOEDD CARTREFI SYMUDOL ETC.

Dirymu ac ildio trwyddedau safle LL+C

26 Dirymu yn sgil marwolaeth, newid perchnogaeth neu roi’r gorau i ddefnyddio safle LL+C

(1) Pan fo deiliad trwydded safle ar gyfer unrhyw dir yn marw neu’n peidio â bod yn berchennog y tir, dirymir y drwydded safle.

(2) Pan fo tir y mae trwydded safle mewn grym ar ei gyfer yn peidio â chael ei ddefnyddio fel safle rheoleiddiedig, dirymir y drwydded safle.

Gwybodaeth Cychwyn

I1 A. 26 ddim mewn grym ar y Cydsyniad Brenhinol, gweler a. 64(2)

27 Dyletswydd deiliad trwydded safle i ganiatáu i drwydded gael ei newid LL+C

(1) Caiff awdurdod lleol sydd wedi dyroddi trwydded safle ei gwneud yn ofynnol ar unrhyw adeg i’r deiliad wneud beth bynnag y mae’r awdurdod lleol yn credu ei bod yn angenrheidiol i alluogi’r awdurdod lleol i gynnwys ynddi unrhyw amrywiad ar amodau’r drwydded a wneir yn unol â’r Rhan hon.

(2) Os bydd deiliad trwydded safle yn methu heb esgus rhesymol â chydymffurfio â gofyniad o dan yr adran hon, mae deiliad y drwydded yn cyflawni trosedd.

(3) Mae person sy’n euog o drosedd o dan is-adran (2) yn agored o’i gollfarnu’n ddiannod i ddirwy heb fod yn uwch na lefel 1 ar y raddfa safonol.

Gwybodaeth Cychwyn

I2 A. 27 ddim mewn grym ar y Cydsyniad Brenhinol, gweler a. 64(2)