Deddf Comisiwn Democratiaeth a Ffiniau Cymru etc. 2013 (dccc4)

[F1 RHAN 5A LL+C SWYDDOGAETHAU SY’N YMWNEUD Â THALIADAU A PHENSIYNAU

Diwygiadau Testunol

F1 Rhn. 5A wedi ei fewnosod (1.4.2025) gan Deddf Etholiadau a Chyrff Etholedig (Cymru) 2024 (asc 5), aau. 57(2), 72(4); O.S. 2024/1337, ergl. 3(c)

Tâl ar gyfer aelodau awdurdod LL+C

69L Monitro cydymffurfedd â gofynion y Comisiwn LL+C

(1) Rhaid i awdurdod perthnasol gydymffurfio ag unrhyw ofyniad a nodir mewn adroddiad blynyddol ar dâl neu adroddiad atodol ar dâl.

(2) Caiff y Comisiwn fonitro sut y gwneir taliadau gan awdurdodau perthnasol mewn cysylltiad â materion perthnasol; a chaiff ei gwneud yn ofynnol i awdurdod perthnasol ddarparu gwybodaeth iddo—

(a) ynghylch y materion sy’n faterion perthnasol mewn perthynas â’r awdurdod;

(b) ynghylch ceisiadau i’r awdurdod am daliadau mewn cysylltiad â materion perthnasol;

(c) ynghylch taliadau a wneir gan yr awdurdod mewn cysylltiad â materion perthnasol.

(3) Caiff y Comisiwn fonitro sut y gwneir taliadau gan awdurdodau perthnasol mewn cysylltiad â phensiynau perthnasol a chaiff ei gwneud yn ofynnol i awdurdod perthnasol ddarparu gwybodaeth iddo—

(a) ynghylch aelodau’r awdurdod y mae’n ofynnol i’r awdurdod dalu pensiynau perthnasol iddynt neu mewn cysylltiad â hwy;

(b) ynghylch taliadau a wneir gan yr awdurdod mewn cysylltiad â phensiynau perthnasol.

(4) Caiff y Comisiwn fonitro sut y gwneir taliadau ailsefydlu gan awdurdodau lleol a chaiff ei gwneud yn ofynnol i awdurdod lleol ddarparu gwybodaeth iddo—

(a) ynghylch cyn-aelodau’r awdurdod lleol y mae’n ofynnol i’r awdurdod dalu taliad ailsefydlu iddynt neu mewn cysylltiad â hwy;

(b) ynghylch taliadau ailsefydlu a wneir gan yr awdurdod lleol.]