Deddf Comisiwn Democratiaeth a Ffiniau Cymru etc. 2013 (dccc4)

RHAN 2 LL+C [F1 Comisiwn Democratiaeth a Ffiniau Cymru]

Diwygiadau Testunol

F1 Pennawd Rhn. 2 wedi ei amnewid (25.6.2024) gan Deddf Senedd Cymru (Aelodau ac Etholiadau) 2024 (asc 4), a. 25(1)(a), Atod. 1 para. 44(3)

Staff, arbenigwyr a chomisiynwyr cynorthwyol LL+C

10 Arbenigwyr LL+C

(1) Caiff y Comisiwn benodi person (“arbenigwr”) i’w gynorthwyo i arfer ei swyddogaethau.

(2) Cyn penodi arbenigwr rhaid i’r Comisiwn ymgynghori â Gweinidogion Cymru.

(3) Ni chaniateir i benodiad o dan is-adran (1) gael ei wneud oni bai bod y Comisiwn wedi ei fodloni bod gan yr arbenigwr wybodaeth, profiad neu arbenigedd sy’n berthnasol i’r broses o arfer ei swyddogaethau.

(4) Caiff y Comisiwn dalu unrhyw dâl, lwfansau neu dreuliau a benderfynir ganddo i’r arbenigwr.

(5) Rhaid i’r Comisiwn ymgynghori â Gweinidogion Cymru cyn penderfynu ar y tâl neu’r lwfansau sy’n daladwy i arbenigwr.

Gwybodaeth Cychwyn

I1 A. 10 mewn grym ar 30.9.2013, gweler a. 75(2)(a)