Deddf Llywodraeth Leol (Democratiaeth) (Cymru) 2013 (dccc4)

RHAN 2 LL+C COMISIWN FFINIAU A DEMOCRATIAETH LEOL CYMRU

Trafodion LL+C

6 Trafodion LL+C

(1) 3 yw’r cworwm ar gyfer cyfarfodydd o’r Comisiwn.

(2) Fel arall, caiff y Comisiwn reoleiddio ei weithdrefn ei hun.

(3) Nid yw unrhyw ddiffyg ym mhenodiad aelod yn effeithio ar ddilysrwydd unrhyw beth a wneir gan y Comisiwn.

Gwybodaeth Cychwyn

I1 A. 6 mewn grym ar 30.9.2013, gweler a. 75(2)(a)

7 Y sêl a dilysrwydd dogfennau LL+C

(1) Caniateir i’r Comisiwn gael sêl.

(2) Dilysir y weithred o osod y sêl drwy lofnod aelod o’r Comisiwn neu lofnod person arall sydd wedi ei awdurdodi gan y Comisiwn at y diben hwnnw.

(3) Mae dogfen yr honnir ei bod wedi ei chyflawni’n briodol o dan sêl y Comisiwn, neu ei bod wedi ei llofnodi ar ei ran gan y prif weithredwr neu aelod arall o staff sydd wedi ei awdurdodi i wneud hynny, i gael ei derbyn yn dystiolaeth a rhaid cymryd ei bod wedi ei chyflawni neu wedi ei llofnodi felly oni phrofir i’r gwrthwyneb.

Gwybodaeth Cychwyn

I2 A. 7 mewn grym ar 30.9.2013, gweler a. 75(2)(a)