xmlns:atom="http://www.w3.org/2005/Atom" xmlns:atom="http://www.w3.org/2005/Atom"
(1)Caiff swyddog awdurdodedig i awdurdod bwyd, ar ôl dangos ei awdurdod ysgrifenedig os caiff ei erchi i wneud hynny, fynd i mewn ar bob adeg resymol i sefydliad busnes bwyd er mwyn—
(a)llunio sgôr hylendid bwyd;
(b)gwneud ailsgoriad;
(c)penderfynu apêl o dan adran 5; neu
(d)gorfodi unrhyw un neu rai o’r gofynion yn adran 7.
(2)Ond yn achos mynediad i unrhyw ran o sefydliad sy’n cael ei ddefnyddio fel annedd breifat yn unig, rhaid rhoi 24 awr o rybudd o’r bwriad i fynd i mewn iddo i’r gweithredwr.
Gwybodaeth Cychwyn
I1A. 17 ddim mewn grym ar y Cydsyniad Brenhinol, gweler a. 27(2)
I2A. 17 mewn grym ar 28.11.2013 gan O.S. 2013/2617, ergl. 3(j)
Mae person sy’n rhwystro, heb esgus rhesymol, swyddog awdurdodedig i awdurdod bwyd sy’n gweithredu i arfer swyddogaethau’r swyddog yn cyflawni trosedd.
Gwybodaeth Cychwyn
I3A. 18 ddim mewn grym ar y Cydsyniad Brenhinol, gweler a. 27(2)
I4A. 18 mewn grym ar 28.11.2013 gan O.S. 2013/2617, ergl. 3(j)
(1)Mae’r adran hon yn gymwys os yw trosedd o dan y Ddeddf hon yn cael ei chyflawni gan gorff corfforaethol.
(2)Os profir bod y trosedd wedi ei chyflawni gyda chydsyniad neu gydgynllwyn, neu i’w briodoli i unrhyw esgeulustod ar ran—
(a)unrhyw gyfarwyddwr, rheolwr neu ysgrifennydd i’r corff corfforaethol, neu
(b)unrhyw berson a oedd yn honni ei fod yn gweithredu yn rhinwedd unrhyw swydd o’r fath,
bydd y cyfarwyddwr, y rheolwr, neu’r ysgrifennydd hwnnw neu’r person sy’n honni ei fod yn gweithredu fel y cyfryw (yn ogystal â’r corff corfforaethol) yn euog o’r drosedd a bydd yn agored i achos yn ei erbyn ac i gael ei gosbi yn unol â hynny.
(3)Mae’r cyfeiriad at gyfarwyddwr, rheolwr neu ysgrifennydd y corff corfforaethol yn cynnwys cyfeiriad—
(a)at unrhyw un o swyddogion cyffelyb y corff;
(b)pan fo’r corff yn gorff corfforaethol y mae ei faterion yn cael eu rheoli gan ei aelodau, at unrhyw swyddog neu aelod o’r corff.
Gwybodaeth Cychwyn
I5A. 19 ddim mewn grym ar y Cydsyniad Brenhinol, gweler a. 27(2)
I6A. 19 mewn grym ar 28.11.2013 gan O.S. 2013/2617, ergl. 3(j)
Bydd person sy’n euog o drosedd o dan y Ddeddf hon yn atebol ar gollfarn ddiannod i ddirwy heb fod yn uwch na lefel 3 ar y raddfa safonol.
Gwybodaeth Cychwyn
I7A. 20 ddim mewn grym ar y Cydsyniad Brenhinol, gweler a. 27(2)
I8A. 20 mewn grym ar 28.11.2013 gan O.S. 2013/2617, ergl. 3(j)
(1)Pan fo gan swyddog awdurdodedig i awdurdod bwyd reswm i gredu bod person wedi cyflawni trosedd o dan adran 9, caiff y swyddog roi hysbysiad i’r person yn cynnig cyfle iddo fodloni unrhyw atebolrwydd i gollfarn am y drosedd drwy dalu cosb benodedig.
(2)Pan fo hysbysiad wedi ei roi i berson o dan yr adran hon mewn cysylltiad â throsedd—
(a)ni chaniateir i unrhyw achos gael ei gychwyn am y drosedd cyn diwedd cyfnod a bennir yn yr hysbysiad, a
(b)ni chaniateir ei gollfarnu o’r drosedd os yw’n talu’r gosb benodedig cyn diwedd y cyfnod hwnnw.
(3)Mae’r Atodlen (hysbysiadau cosb benodedig) yn cael effaith.
Gwybodaeth Cychwyn
I9A. 21 ddim mewn grym ar y Cydsyniad Brenhinol, gweler a. 27(2)
I10A. 21 mewn grym ar 28.11.2013 gan O.S. 2013/2617, ergl. 3(j)
[F1(1)Ni chaiff awdurdod bwyd ddefnyddio ei dderbyniadau cosb benodedig ond at ddiben ei swyddogaethau sy’n ymwneud â gorfodi darpariaethau’r Ddeddf hon a rheoliadau a wneir odani.]
(2)Yn yr adran hon ystyr “derbyniadau cosb benodedig” yw’r symiau sy’n cael eu talu i awdurdod bwyd o dan hysbysiadau cosb benodedig a ddyroddwyd o dan adran 21.
Diwygiadau Testunol
F1A. 22(1) wedi ei amnewid (4.10.2017) gan Deddf Iechyd y Cyhoedd (Cymru) 2017 (anaw 2), aau. 119, 126(2); O.S. 2017/949, ergl. 2(c)
Gwybodaeth Cychwyn
I11A. 22 ddim mewn grym ar y Cydsyniad Brenhinol, gweler a. 27(2)
I12A. 22 mewn grym ar 28.11.2013 gan O.S. 2013/2617, ergl. 3(j)