Deddf Sgorio Hylendid Bwyd (Cymru) 2013 (dccc2)

Amrywiol a chyffredinol LL+C

23 Canllawiau LL+C

Caiff Gweinidogion Cymru ddyroddi canllawiau—

(a) i’r ASB;

(b) i awdurdod bwyd,

mewn perthynas ag arfer eu swyddogaethau o dan y Ddeddf hon.

Gwybodaeth Cychwyn

I1 A. 23 ddim mewn grym ar y Cydsyniad Brenhinol, gweler a. 27(2)

I2 A. 23 mewn grym ar 28.11.2013 gan O.S. 2013/2617, ergl. 3(j)

24 Diwygio cyfnodau i gydymffurfio â dyletswyddau LL+C

Caiff Gweinidogion Cymru, drwy reoliadau, ddiwygio unrhyw ddarpariaeth yn y Ddeddf hon sy’n pennu cyfnod pryd y mae’n rhaid gwneud rhywbeth drwy roi cyfnod arall yn ei le.

Gwybodaeth Cychwyn

I3 A. 24 ddim mewn grym ar y Cydsyniad Brenhinol, gweler a. 27(2)

I4 A. 24 mewn grym ar 28.11.2013 gan O.S. 2013/2617, ergl. 3(j)

25 Dehongli LL+C

(1) Yn y Ddeddf hon—

• ystyr mater “a ragnodir” (“prescribed”) yw mater sydd yn cael ei ragnodi mewn rheoliadau a wneir gan Weinidogion Cymru;

• mae i’r ymadrodd “ailsgoriad” (“re-rating”) yr ystyr sydd iddo yn adran 12;

• ystyr “anfon” (“send”) yw anfon drwy’r post neu ddanfon â llaw;

• mae i’r ymadrodd “awdurdod bwyd” (“food authority”) yr ystyr sydd iddo yn adran 2;

• mae i’r ymadrodd “gweithredwr” (“operator”) (sefydliad busnes bwyd) yr ystyr sydd iddo yn adran 2;

• mae i’r ymadrodd “meini prawf sgorio” (“rating criteria”) yr ystyr sydd iddo yn adran 3;

• mae i’r ymadrodd “sefydliad busnes bwyd” (“food business establishment”) yr ystyr sydd iddo yn adran 2;

• mae i’r ymadrodd “sgôr hylendid bwyd” (“food hygiene rating”) yr ystyr sydd iddo yn adran 3;

• ystyr “swyddog awdurdodedig” (“authorised officer”) yw swyddog a awdurdodwyd yn ysgrifenedig gan awdurdod bwyd at ddibenion arfer unrhyw un neu rai o swyddogaethau’r awdurdod o dan y Ddeddf hon.

(2) Mae cyfeiriadau yn y Ddeddf hon at sticer sgôr hylendid bwyd yn cynnwys, pan fo’r cyd-destun yn mynnu hynny, cyfeiriad at fwy nag un sticer.

Gwybodaeth Cychwyn

I5 A. 25 ddim mewn grym ar y Cydsyniad Brenhinol, gweler a. 27(2)

I6 A. 25 mewn grym ar 28.11.2013 gan O.S. 2013/2617, ergl. 3(j)

26 Rheoliadau LL+C

(1) Mae pwerau i wneud rheoliadau neu orchmynion o dan y Ddeddf hon yn arferadwy drwy offeryn statudol.

(2) Mae pŵer i wneud gorchymyn neu reoliadau o dan y Ddeddf hon yn cynnwys pŵer i wneud unrhyw ddarpariaeth gysylltiedig, canlyniadol, trosiannol neu atodol y gwêl Gweinidogion Cymru yn dda.

(3) Yn achos y pŵerau o dan adrannau 2(6), 3(2) a 3(5) mae’r ddarpariaeth hon yn cynnwys darpariaeth i ddiwygio’r Ddeddf hon.

(4) Ni chaniateir i Reoliadau o dan adrannau 2(6), 3(2), 3(5), 5(8), 6(2), 10, 24 a pharagraff 3 o’r Atodlen gael eu gwneud oni bai bod drafft o’r offeryn wedi ei osod gerbron Cynulliad Cenedlaethol Cymru a’i gymeradwyo drwy benderfyniad ganddo.

(5) Mae rheoliadau eraill a wneir o dan y Ddeddf hon yn ddarostyngedig i’w diddymu’n unol â phenderfyniad gan Gynulliad Cenedlaethol Cymru.

Gwybodaeth Cychwyn

I7 A. 26 ddim mewn grym ar y Cydsyniad Brenhinol, gweler a. 27(2)

I8 A. 26 mewn grym ar 28.11.2013 gan O.S. 2013/2617, ergl. 3(j)

27 Cychwyn LL+C

(1) Mae’r adran hon yn dod i rym ar ddiwedd y cyfnod o 2 fis sy’n dechrau â’r diwrnod y caiff y Ddeddf hon y Cydsyniad Brenhinol.

(2) Daw gweddill darpariaethau’r Ddeddf hon i rym ar ddiwrnod a bennir drwy orchymyn i’w wneud gan Weinidogion Cymru.

(3) Caiff gorchymyn a wneir o dan yr adran hon—

(a) bennu diwrnodau gwahanol at ddibenion gwahanol (gan gynnwys diwrnodau gwahanol ar gyfer categorïau gwahanol o sefydliad busnes bwyd);

(b) gynnwys unrhyw ddarpariaeth drosiannol, darpariaeth darfodol, neu ddarpariaeth arbed y gwêl Gweinidogion Cymru eu bod yn angenrheidiol neu hwylus.

Gwybodaeth Cychwyn

I9 A. 27 mewn grym ar 4.5.2013, gweler a. 27(1)

28 Enw Byr LL+C

Enw byr y Ddeddf hon yw Deddf Sgorio Hylendid Bwyd (Cymru) 2013.

Gwybodaeth Cychwyn

I10 A. 28 ddim mewn grym ar y Cydsyniad Brenhinol, gweler a. 27(2)

I11 A. 28 mewn grym ar 28.11.2013 gan O.S. 2013/2617, ergl. 3(k)